2º premio da lotería Nacional, toca en Mondoñedo

O título da entrada xa o dice todo, hoxe sábado 25 de febreiro de 2.012 tivo lugar un novo sorteo da Lotería Nacional, saíndo dos bombos como 2º premio o núm. 50.098, número que a deusa fortuna trouxo ata Mondoñedo entre outras localidades de España, premiado con 12.000 € ao décimo.

Xusto o día despois do feche de Ecar atopamonos con esta nova, cousas quizais do destino. Hogalla este premio esté ven repartido entre a sociedade de Mondoñedo e chegue ata os que máis o precisan. 

Podedes ver a nova na web de “El Progreso” aquí.

© Marcos Candia


Ecar fecha as súas portas

Non é cultura e moito menos ocio, pero é unha nova que se merece toda a nosa atención e máis. 

Onte, 24 de febreiro, Ecar, actualmente filial de Finsa, puxo punto e final a súa labor en Mondoñedo, onde ata onte traballaban un total de 65 persoas, 65 familias.

A sociedade mindoniense e doutras vilas fíxose eco desde un principio, ala por novembro do que podía ser o feche de Ecar, hoxe realidade. Foron varias a movilizacións, e multitudinarias, as que se levaron a cabo, tanto en Mondoñedo como na vila veciña de Lourenzá, tamen afectada polo ere de Mobles Hermida, para tentar frear o inevitable fin que hoxe vivimos. 

Agora quedan os últimos pasos, o vindeiro martes responsables da madeireira Finsa achegaranse ata Mondoñedo para facer efectivos os pagos das liquidacións de cada traballador, acordadas no seu momento cos sindicatos; e xa o paso final a recolocación de algún dos traballadores de Ecar, neste caso 6 serán trasladados a Santiago  e outros sete seguirán polo momento en Mondoñedo, con labores de vixiancia e mantemento, tal como indican dende o xornal A Mariña do Progreso no día de hoxe.

© Marcos Candia


Estudos Mindonienses

O “Centro de Estudos da Diócese de Mondoñedo – Ferrol” leva xa 27 tomos dos seus coñecidos “Estudos Mindonienses”, un voluméns de carácter anual que comezaron sendo un proxecto ala polo ano 1.985 e que este ano 2.012 chegan a súa 27ª edición, dirixidos por D. Segundo Leonardo Pérez López (Universidade Pontífica de Salamanca e Instituto Teolóxico de Compostela), presentan así o anuario correspondente ao ano 2.011, e do que aquí vos falamos.


Neste novo número podemos atopar varios traballos:

D. Manuel Sánchez Monge, actual obispo da diócese fainos a presentación deste tomo.

D.J. L. López Sangil-M. Vidán Torreira, traenos a transcipción completa de “El tumbo viejo de Lugo”.

D.Enrique Cal Pardo fálanos do “Episcopologio Mindoniense. Obispos de la segunda parte del siglo XX”.

D. A. Barón Faraldo preséntanos “Magnates  y nobiles en la curia del Conde Raimundo de Borgoña. Totius Gallecie Princeps (ca. 1091-1107).

D. J.J. Burgoa Fernández falanos sobre as “Crónicas medievais de Fernando Lopes e Jean Froissart, no Ferrol do século XIV

D. X.C. Ríos-M. Vigo, coméntanos sobre a “Toponimia e microtoponimia da área de Ponteceso e Laxe. Aportacións sobre nomes de lugar de orixe cultura nomástica: o Mosteiro de Almerezo”.

D. J.M. Rodríguez Díaz fálanos do “Monasterio de Esperautano y su coto”.

D. M. Sánchez Yáñez, dinos sobre “O principio da construcción da Igrexa de S. Xulián de Ferrol”.

D. S.L. Pérez López, “Encende un facho no mundo da cultura”.

D. J.L. López Sángil, fálanos sobre “Algúns libros publicados en Galicia”.

D. S.L. Pérez López, deixanos unha nota biográfica.

E por último as habituaís recensións de cada tomo.

Como podedes ver o traballo e abundante, e con moitas frontes de estudo.

Se queredes coñecer máis sobre estes traballos podedes consultar aquí a web da Diócese de Mondoñedo-Ferrol, que contén unha sección na que fala sobre estes estudos, ou contactar con eles no seguinte mail: estudiosmindonienses@mondonedoferrol.org.

©Marcos Candia


Criticalia, 20 anos de recensións

 

Armando Requeixo (Mondoñedo, 1.971), ven de presentar o pasado xoves 17, na libraría “Couceiro” na cidade de Santiago de Compostela, un novo libro, “Criticalia”, unha impresionante colección de recensións, que comezan ala polo ano 1.991 e chegan ata o 2.010, a partires deste intre o seu traballo está tamén na rede, o seu blog persoal é todo un referente da crítica en galego.

Pero centrándonos no exemplar presentado na Capital de Galicia, Criticalia, contén máis de 250 recensións sobre libros de todo xénero, dende narrativa ata poesía, pasando pola novela ou a historia.

Un traballo, Criticalia, que foi editado por “Sotelo Blanco”, dentro da súa serie “Estudos e Investigacións, serie maior”. Dende a propia editorial, Ánxela Gracián, escritora e responsable editorial mencionou este volume como “unha mostra da profesionalidade ética e a valentía nos xuízos que leva amosando Requeixo como crítico dende fai anos”.

Dende “Cultura e Ocio” non atopamos mellor forma de inauguar as entradas a web, despois da presentación, que non fora “Criticalia”. Lectura recomendada. E ademáis se queredes seguir o traballo de Armando na actualidade non dubidedes, como indicabamos ao comezo desta entrada, en visitar o seu blog.

©Marcos Candia


Nace “Cultura e Ocio”

Hoxe, 23 de febreiro de 2.012, nace un novo proxecto na rede, “Cultura e Ocio”.

Este blog, aloxado na rede de “Blogaliza”, fórxase en Mondoñedo, terra unida históricamente a cultura, co seu principal expoñente D. Álvaro Cunqueiro Mora, e o ocio, xa que famosas son as festas da cidade, as S. Lucas, as Quendas, Mercado Medieval…

Sen ánimo de lucro, e co único de fin de informar dende a rede, de eventos, lóxicamente culturais é de ocio, ainda que con cabida a información de todo tipo, que se celebren ou teñan que ver con Mondoñedo e cos concellos do seu entorno; este é o fin do blog que estades a ver.

Dende este momento deixo inaugurado o blog, espero que os contidos que vaian chegando sexan do voso agrado. Do mesmo xeito e nesta liña, se queredes colaborar co blog, tan so tendes que decilo, se tes algunha información que consideres que pode encaixar nesta páxina (eventos culturais como: exposicións, presentacións de libros, charlas, coloquios, difusións culturais, ou eventos de ocio tales como: festas e demáis) manda un e-mail a: culturaeocio@hotmail.es, con todos os datos que teñas, tras ser revisado o contido será colgado na web.

©Marcos Candia