A “Cruz de Santiago”

Nos montes da Toxiza, Tronceda, entre os lugares de “O Colesio” e “A Fraga” o 23 de decembro de 1.901 ocorreu un terrible suceso.

Santiago García Díaz, de 20 anos, natural de Tronceda, fillo de Jose García Fernández e María Díaz Fernández, solteiro, sen fillos e de profesión xornaleiro, faleceu víctima dun temporal de neve e frío.

Pouco despois do suceso, colocouse sobre a rocha, unha cruz de madeira, que co paso do tempo acabou deteriorándose e foi sacada do lugar, coa intención de poñer un cruceiro de lousa, material máis resistente a intemperie, pero xamais chegou a colocarse.

Hoxe en día so queda a marca sobre a rocha onde estivo cravada anos atras a cruz de madeira. É unha magoa que non se faga máis enfase en recordar estes feitos históricos e que pasen desapercibidos para xeracións vindeiras, incluso desaparecidos, foi pouco o que faltou para que as pistas do parque eólico, hoxe existente no lugar, pasaran por riba desta rocha.


Coa colaboración de Andrés García Doural

©Marcos_Candia

2 reflexións sobre “A “Cruz de Santiago””

Os comentarios están pechados.