A SD Pol proclámase campión de Liga no Viñas da Veiga

Na tarde deste domingo rematou a Liga para o Mondoñedo FC, e fixoo cun partido diante da SD Pol, ambos equipos xa ascendidos xogáronse o posto de campións. O final, o Pol sacou unha victoria do Viñas da Veiga, e proclamouse, merecidamente, campión de Liga. Deuse tamén a circunstacia de que foi a primeira e única vez na tempada que a aficción do Viñas da Veiga veu unha derrota do seu equipo como local, todo un dato a ter en conta sobre a excepcional campaña dos pupilos de Hermelino.

Comezou o partido con un Mondoñedo moi metido atrás, sen circulación de balón no medio campo e por conseguinte sen chegadas arriba. Con este paromara o Pol, atopábase cómodo sobre o céspede do Viñas da Veiga, sen apuros e sacando varios córnes e faltas perigosas; deste xeito no min 17 chegaría o primeiro e único tanto do encontro, tras un saque de esquina dos polenses, o balón sae rexeitado a frontal da área e un home do Pol remata sen oposición e logra batir a Adrián poñendo o 0-1 no marcador. A resposta do Mondoñedo chegaría no min 23, con unha boa falta executada por Carro, que se marcha fora por moi pouco. No 32 nova ocasión para o Mondoñedo, tras unha gran internada de Alberto por banda que centra para o remate de Portela, que por pouco non consegue o primeiro tanto para o Mondoñedo. Antes de rematar esta primeira parte, o Pol, quedouse con 10 homes; o colexiado, ante a sorpresa de todos os presentes, decide amosar o segundo cartón amarelo ao xogador visitante tras unha falta no medio campo, sendo así expulsado. Deste xeito, co marcador a favor do Pol e cun home menos o equipo visitante, rematou a primeira parte.

Ao comezo do segundo período o Pol despuxo dunha nova ocasión para aumentar a súa renda, no min 50 un xogador polense remata fora cando os aficcionados visitantes na grada xa cantaban o gol. Hermelino comezou a facer trocos vendo que as cousas non tornaban a favor tralo descanso. No mi 65 Carro de novo de falta directa, estivo a punto de conseguir o gol, pero o meta do Pol conseguiu desviar o seu balón fora. A última ocasión para o Mondoñedo, chegaria no min 84, sería para Noly, que de cabeza consegue elevarse por riba da defensa visitante pero atópase coa espectacular resposta do meta do Pol. Antes do final, o Mondoñedo tamén se quedaría con 10, o colexiado sacaba cartón vermello directo a Rosendo, que o final non tería ningunha transcendencia no marcador.

Así pois, o partido remataria co 0-1 a favor da SD Pol, proclamándose así campións de Liga regular, de xeito completamente merecido. Un equipo que foi de menos a máis na liga, e que dos últimos 33 puntos en xogo fixo pleno. En hora boa ao Pol. E por suposto tamén ao Mondoñedo, que xunto co Pol, son xa equipos da segunda rexional. Ademáis, os de Hermelino, conseguen ser o equipo máis goleador da Liga, e o segundo menos goleado, tamén, o Mondoñedo, foi o equipo que menos partidos perdeu na Liga regular, un total de 3, dous deles precisamente contra o Pol e o outro no campo do Barreiros.

En breve comezara a Copa Diputación, da que este blog, tentará dar cumplida información sobre a actuación do equipo mindoniense.

Datos:

Aliñación: Adrián – Rosendo – Pepe – Miguel – Alberto – Felipe – Campovello – Noly – Carro – Dani e Portela

Trocos: Lucas por Campvello, Juan por Felipe, Álvaro por Dani, Ramalla por Portela e Jacobo por Pepe.

Campo: Viñas da Veiga. Campo en regulares condicións. Nas gradas boa presenza de aficcionados tanto locais como chegados dende Pol que puideron celebrar a consecución do campionato de Liga.

©AG_Doural ©Marcos_Candia

A Previa: Mondoñedo FC – SD Pol

A Liga chega ao seu fin. Mondoñedo e Pol, ambos ascendidos, xogaránse este domingo o título honorífico de campión da categoría. Será un partido entre os dous mellores da categoría tal e como indican os seus números, que cerrada unha das mellores campañas para o Mondoñedo FC.

Mondoñedo FC – SD Pol

Domingo 28 de abril as 17:00 h

Colexiado: D. Francisco García Pardo

Campo: Viñas da Veiga

A continuación reproducimos o cartel que o noso amigo Andrés Doural, deseñou para a ocasión. O título de campión en xogo.

Dende logo o partido ten todolos alicientes para converterse nun auténtico espectáculo futbolístico. O Mondoñedo que parte 2º fronte o Pol actual líder da categoría. Unha victoria mindoniense daríalles o título, o empate ou a victoria polense, levaría o campionato para a Terra Cha.

Analizamos, como todas as xornadas, o rival do Mondoñedo, desta volta, e a tenor dos números, un grandísimo rival como colofón a unha estupenda Liga.

O Pol marcha, como dicíamos, no primeiro posto da Liga, con 65 puntos, 2 máis que o Mondoñedo. Conta con 21 partidos gañados, 2 empates e 4 derrotas. 54 goles a favor, sendo así o 4º equipo máis anotador xunto co Barreiros e por detrás do San Román 55 goles, Abadín 57 goles e Mondoñedo, máximo anotador con 64. Pola contra encaixou 22 goles, sendo o equipo menos goleado da categoría, seguido neste senso polo Mondoñedo que encaixou 23 goles.

Os seus datos como visitante na Liga, arroxan un balance de 10 victorias, 1 empate e 3 derrotas. As victorias foron colleitadas en Galdo (1-3), San Antonio (1-2), Covas (0-1), Goiriz (0-2), Momán (1-2), Barreiros (0-1), Folgueiro (0-4), Roupar (0-1), Abadín (0-1) e Cazás (1-2); un empate en Folgueiro (2-2) e tres derrotas todas por 2-1 en San Román, Ourol e Codesido.

Destos datos como visitante destacamos que as tres derrotas do Pol se produciron nas tres primeiras saídas do campionato, nas posteriores o Pol non volveu a perder. Ademáis comentar, que dos últimos 30 puntos en xogo, o Pol fixo pleno, con 7 visitas e 7 victorias e 3 partidos como local e outras tantas victorias. Un aliciente máis para facer especial o partido deste domingo no Viñas da Veiga. 

Por outra banda, falamos con Hermelino sobre a actualidade do Mondoñedo e a preparación para este importante partido como colofón da Liga regular, Hermelino espera “un partido complicado, contra un equipo moi forte defensivamente e que xoga un contraataque rapidísimo. Pola nosa parte trataremos de contrarrestar o seu xogo e tratar de conseguir a victoria en base a unha boa defensa e fútbol combinativo como sempre”.

Para este encontro o míster do Mondoñedo conta con todo o seu plantel a excepción de Jesús que sentiu molestias durante os adestramentos da semana, Manuel por motivos persoais e Genito, que viu o 5º cartón amarelo no encontro co Ourol e cumpre sanción neste partido.

Deste xeito a convocatoria de Hermelino, está formada por 17 homes, a espera de que maña faga un último descarte antes do partido

Adrián – Fabián – Rosendo – Miguel – Pepe – Campovello – Alberto – Carro – Felipe – Noly – Juan – Lucas – Ramallal – Portela – Álvaro – Dani e Jacobo

©Marcos_Candia

O Mondoñedo empata a uns nun partido sen historia en Ourol

Ourol e Mondoñedo empataron na tarde de onte a uns no campo de “O Coto”, nun partido con pouca historia onde o Ourol xogaba co Play Off asegurado e o Mondoñedo co ascenso na mesma situación.

Ben cedo, no min 3, o Ourol aproveitou unha falta ao seu favor para poñer o 1-0 no marcador. Dende a zona de bancos o lateral esquerdo do cadro ourolés puxo o balón no área do Mondoñedo, e ante a indecisión da defensa do cadro mindoniense, un xogador local rematou libre de marca diante dun Adrián que nada puido facer.

Co marcador en contra dende tan axiña, o Mondoñedo tentou apretar arriba en busca do empate, un empate que chegou no min 18 e tamén a balón parado. Falta escorada a dereita do ataque mindoniense, que executa Carro e tras un rexeite, un atento Campovello remata contra a rede local, levando así as táboas ao taboleiro.

Como diciamos foi un partido sen moita “miga”, e despois deste 1-1 o partido entrou nun estado de relax xeralizado, destacar duas ocasións do Mondoñedo na segunda metade, unha de Portela que manda o balón alto diante da saída do meta local, e outra para Dani, que logo de varios rexeites, consegue coller o balón pero o seu remate final, cando xa entraba na porta do Ourol foi rexeitado por un compañeiro.

Así pois empate a un, e reparto de puntos entre Ourol e Mondoñedo.

Queda so unha xornada de Liga, o último partido será no Viñas da Veiga, a próxima fin de semana, e a clasificación quixo que neste partido, os dous equipos que se enfrontan, Mondoñedo e Pol, se xogen o campionato de Liga, de gañar, o Mondoñedo proclamaríase campión de Liga, un empate ou derrota daría ao Pol como campión. Haberá que esperar pois ata a fin de semana para derimir o campión final de Liga, de seguro que o Viñas da Veiga voltará a rexistrar unha gran entrada para un partido que promete ser apaixoante e disputado.

Datos:

Aliñación: Adrián – Rosendo – Pepe – Miguel – Genito – Felipe – Campovello – Carro – Noly – Jesús e Portela

Trocos: Álvaro por Portela, Dani por Jesús, Lucas por Felipe e Fabián por Campovello

Campo: “O Coto”. Céspede bastante duro. Boa presenza de aficcionados.

©AG_Doural ©Marcos_Candia

A Previa: SD Ourol – Mondoñedo FC

Penúltima xornada de Liga para o Mondoñedo FC. Un Mondoñedo que xa conseguiu o seu ascenso matemático a pasada xornada diante do Praia de Covas. Agora o Mondoñedo debe pelexar por sen campión de grupo, para elo ten sumar, polo menos, un punto máis que o Pol, 2º na clasificación empatado cos do Viñas da Veiga; podería valerlle ao Mondoñedo tamén o empate a puntos cos polenses, pero neste caso, so se na última xornada o Mondoñedo gaña ao Pol, que visitará o Viñas da Veiga, por unha diferencia superior aos tres goles (na 1ª volta, o Pol venceu no seu campo ao Mondoñedo por 3-0).

SD – Ourol – Mondoñedo FC

Domingo 21 de abril as 17:00 h

Colexiado: D. Abraham Vázquez Alemparte

Campo: “O Coto”, Ourol. Se queres animar ao Mondoñedo na súa pelexa polo campionato, aquí tes toda a información de como chegar.

O Mondoñedo, xa é felizmente equipo de Segunda Rexional, para a próxima tempada. Pero quedan ainda 2 xornadas do actual curso, onde como diciamos, o Mondoñedo xógase a praza de campión de Liga. Nesta xornada visitan a difícil cancha da SD Ourol.

O Ourol marcha 6º na Liga, clasificado xa matemáticamente para o Play Off de ascenso. Ten 48 puntos, colleitados tras 14 victorias, 6 empates e outras tantas derrotas. No seu haber conta con 47 goles a favor e 32 en contra, sendo así o equipo con menos goles a favor, e máis en contra, dos seis primeiros.

Na primeira volta, o Ourol sucumbiu por 5-1 no Viñas da Veiga. Sendo así o Mondoñedo, o único equipo, esta tempada, que conseguiu marcarlle máis de 4 goles ao Ourol. Un Ourol que está nunha traxectoria descendente; comezou moi ben a liga, sumando 15 dos primeiros 18 puntos en xogo para eles, sen embargo dos últimos 6 partidos so sumou os tres puntos en tres deles, empatando outros dous diante equipos teóricamente “inferiores” e deixándose os tres puntos diante do Abadín, rival directo no Play Off.

Como local o Ourol sumou 8 victorias, 2 empates e 2 derrotas, que pasamos a detallar. Gañou fronte o Pol (2-1), Codesido (5-0), Galdo (2-1), San Antonio (3-2), San Román (4-2), Praia de Covas (4-2), Goiriz (3-1), Celta Barreiros (2-1) e Roupar (3-1). Empatou fronte o Abadín (1-1) e o Cazás (2-2). E sufrio as 2 derrotas diante do Folgueiro e o Momán (ambas 1-2).

Se analizamos, rápidamente, os seus datos como local, atopámonos con que ningún equipo da zona alta da Liga foi quen de gañar en “O Coto”, onde tan so o Abadín (5º) sumou un punto, caendo derrotados o Pol (2º), o San Román (3º) e o Celta Barreiros (4º).

Será pois un partido complicado para o Mondoñedo, que xa xogara coa relaxación de saberse ascendido antes do partido, pero tamén coa tensión de lograr o campionato de Liga.

Hermelino para este partido non pode contar con varios homes. Alberto que segue sancionado. Jacobo que non está recuperado da súa lesión. Juan e Manuel que por motivos persoais non poden estar nesta cita. Tampouco conta o míster con Ramallal por decisión técnica. Deste xeito a convocatoria para este partido queda do seguinte xeito:

Adrián – Rosendo – Fabián – Miguel – Pepe – Genito – Álvaro – Felipe – Lucas – Campovello – Carro – Noly – Portela – Jesús e Dani

©Marcos_Candia