Álbume Fotográfico: Mondoñedo FC – Luis Pimentel

Na tarde deste domingo, 23, o Mondoñedo FC voltou ao Viñas da Veiga para disputar un novo partido de liga, desta volta fronte os da capital de provincia, Luis Pimentel. O resultado final foi de 1-0, nova victoria do cadro de Martín, que suma tres valiosos puntos na loita por escapar do descenso a 3ª rexional. 

Este blog ofrécevos, unha xornada máis, un álbume fotográfico do partido, que podedes ver facendo clic aquí, ou na seguinte presentación.

Marcos Candia – Cultura e Ocio © 2.014

2º aniversario desta casa, a vosa casa

Tal día coma hoxe, no 2.012, este blog saía a luz, así pois, Cultura e Ocio cumpre dous anos na rede. Dous anos aos que chegamos con case 13.600 visitas, máis de 6.000 ao ano de media, toda unha honra para este humilde blog. Son xa, con este, un total de 218 os artigos publicados e máis de 600 fotos no noso álbume de Flickr, un álbume que ten case 50.000 visitas as súas instantáneas nestes dous anos.

Debemos dar as gracias, unha vez máis, a todos e cada un de vos por facer deste blog outro medio de comunicación máis no voso día a día. 

De xeito especial, este blog, da tamén as gracias a todos e cada un dos seus colaborades, que dun ou outro xeito traballan con esta casa, todos de maneira totalmente desinteresada:

  • Armando Requeixo, autor de Criticalia, que colabora con esta casa aportando os artigos da Etnografía Mindoniense de Lence Santar.
  • Andrés García Doural, autor de Miscelánea Mindoniense, que presta os seus traballos históricos de Mondoñedo e as súas xentes, e imaxes do seu arquivo, para esta casa.
  • Pepe de Noriega, autor de Os de Noriega, que cede traballos do poeta Noriega Varela para este blog.
  • Suso Robles, que colabora con esta casa facilitando os cartaz da maioría dos eventos da nosa cidade.
  • A Asociación Cultural O Pasatempo, que nos fai partícipes de todas e cada unha das súas actividades.
  • A Taxi Pepe Mondoñedo, que nos cede espectaculares imaxe da nosa cidade captadas nas suas viaxes de traballo.
  • A todos as web/blog que nos teñen enlazados ou falan desta casa nalgún dos seus artigos.  
Cultura e Ocio comeza, a partir de maña o terceiro ano na rede, un ano no que pretendemos seguir medrando e chegando a máis e máis xente, para que Mondoñedo sexa coñecido en todos os recantos deste mundo virtual e tamén do real.
Benvidos pois ao 3º ano de Cultura e Ocio.
Marcos Candia – Cultura e Ocio © 2.014

XXV edición da Invernal de Galicia

Un ano máis, a terceira fin de semana do mes de marzo, as motos voltan a cidade de Mondoñedo, pero este ano de xeito especial, será os días 15 e 16, e celebrarase a XXV edición da Concentración de Motos Ruta N-634, a denominada Invernal de Galicia.

Contará cunha exibición acrobática a cargo de Emilio Zamora de “Ducati Stunt Team”, ademáis dun concerto na Praza do Concello, do grupo ferrolá “McKuin”.

Ademáis, acompañando esta fin de semana moteira, O Rincón de Mondoñedo, ofrecerá un concerto do grupo “La Dulce María”, será o sábado 15 a partires da 1:00 h. 

Marcos Candia – Cultura e Ocio © 2.014

Presentación do “Grupo Literario Leiras Pulpeiro”

O vindeiro venres día 28 as 20:00 h, no salón de actos, sito na Casa da Xuventude de Mondoñedo, terá lugar a presentación en sociedade do “Grupo Literario Leiras Pulpeiro”. 

Intervirá na mesma Xusto Fernández Haro, Concellal de de Cultura do Concello de Mondoñedo, ademáis de Julia María Labrador Ben e Fran Bouso, coordinadores do grupo literario. Falará tamén Ramón Reimunde Noreña, biógrafo de Leiras Pulpeiro. Por último o acto, contará coas actuacións musicais de César Morán (voz e guitarra) con Rebeca Maseda (violín) que tocarán os poemas musicados de Leiras por César Morán, e finalmente será a Coral Mestre Pacheco a que ofrecerá ao público os poemas de Leiras musicados por Xan Carballal.

Marcos Candia – Cultura e Ocio © 2.014