Mercado das Carmiñas

Este vindeiro sábado, coincidindo coa festividade do Santiago Apostol, Mondoñedo vivirá unha nova edición do Mercado das Carmiñas. Mercado

Será na Praza da Catedral, dende as 11:00 h, pero ademáis cadrando con este evento, e de xeito paralelo, na Paza do Concello, terá lugar a Festa da Ensalada, dende as 12:00 h, con degustación deste producto nos locais de hostalaría de Mondoñedo. Haberá tamén actuación musical a mediodía na Praza do Concello e a noita na da Catedral, e a última hora da tarde títeres para os máis pequenos tamén nesta última praza. Ensalada

Se precisades máis información deste evento, podedes atopala na web oficial da ACIA de Mondoñedo ou no seu Facebook.InfoMarcos Candia – Cultura e Ocio © 2.015

Verdades que ningúen cre. 4

Chega a cuarta entrega do serial “Verdades que ninguén cre”, da man de Francisco Piñeiro, unha serie que está a acadar un altos índices de audiencia. Vamos pois ala…

Lume na meda

(Publicado: 10/03/2011 pero cos aires dos tempos presentes  ben poidera ter data actual)  

De cando en vez, convén subir ó faiado das lembranzas para non esquecer de onde vimos. Este sinxelo exercicio de íntima reflexión permite descubri-los nosos alicerces individuais e colectivos, apaga-la fogaxe social e reconduci-las nosas enerxías.

Para todos aqueles que precisan formatear de novo a concordia social no seu disco duro mental intentarei descargar nestas catro liñas algúns arquivos da idiosincrasia galega que, noutrora, marcaban os límites dos conflitos particulares para arrima-lo ombro, sen reticencias, ante unha situación de emerxencia.

A máis sobranceira, sen dúbida algunha, era a reacción colectiva cando o lume prendía na meda. Falo por experiencia. Ata os enemigos máis ancestrais da familia damnificada se sumaban á cadea humana afanándose en facerlle voar á auga dos caldeiros por riba das lapas. A ninguén se lle ocorría apaga-lo lume con gasolina, nin mirar dende a fiestra e moito menos rir, aplaudir ou tirar foguetes. Non era tempo de diferencias porque o pan, alomenos daquela, era sagrado. Hoxe comeza a ter máis transcendencia e admiración discutir que música debe levar o cascabel do gato que agarrarse a el, sen pensar que seremos o seu próximo bocado.

Poderiamos describir mil exemplos onde as personas sabían aparca-las xenreiras: incendios de montes de man común, arranxos dos camiños veciñais, reconstrucción das presas destruídas polas riadas, etc… e por suposto calquera disgracia humana ou da facenda. En ningures estaba escrita a lei que obrigara, agás na conciencia humana, é dicir no “coñecemento compartido”, facultade que permite ás personas distinguir entre o egoísmo personal e o ben da comunidade..

Ó parecer hoxendía a conciencia colectiva, sendo filla de todos, anda orfa. Moitos xa a guindaron ó lixo e outros témola arrecantada no escuro faiado do esquecemento. Iso explicaría a actitude da maioría dos “cidadáns modernos e avanzados” ó considerarnos exentos das obrigas que traspasen o límite do proveito propio, privilexio adquirido coma contrapartida de termos ó día os recibos dos nosos impostos. Esta “bula” económica outórganos o salvoconduto para exercer de francotirador, na contra dos poderes e servizos públicos, esixindo un cumprimento ético ó cal nós pouco ou nada contribuimos ó andar sentenciando tópicos, aireando falares ou executando moitos dos nosos propios actos. Que o fagan eles para iso cobran! Se anda metido aí é porque lle interesa… Nun incendio cruzámo-los brazos, ou para que están os bombeiros? O lixo tirámolo o chan; para algo estarán os varrendeiros!… Se neva, a culpa é da administración, etc…

Ó parecer, nós como cidadáns ou somos perfectos ou non temos culpa de nada. “Esiximos” honradez e transparencia ós políticos, administradores e funcionarios, o cal é loable, agás cando nós mesmos atallarmos para obter privilexios. Daquela ata aireamos con fachenda que se conseguiu grazas a un “amigo”.

Chegamos a tales extremos de sabedoría que entendemos de todo. Con enceta-los titulares dos xornais sóbranos; o demais xa llo amecemos porque “todos son iguais”.

Reflexionemos. En verdade, tanto nos cidadáns de a pé, coma nas administracións ou nos políticos, non queda ninguén en quen confiar? Alguén terá que haber! Posiblemente non saia nos medios de comunicación porque iso non vende. Teremos nós o interese de buscalos e arrimarnos a eles ou será máis doado seguir remexendo ata envorcallarnos todos na mesma dinámica?. Se os programas da televisión son puro lixo e ninguén os ve, como acadan logo as altas cotas de audiencia? Se os políticos defraudan pola súa desunión e por buscar “partido”, entón quen lles outorga os votos?

Hai algo que non cadra e témolo lume na meda. Opinar, con respecto e con ánimo de construir, é un dereito e unha obriga, pero lembremos o que dixo Machado: ‘Si cada español hablase de lo que entiende, y de nada más, habría un gran silencio que podríamos aprovechar para estudiar”

Ningún pobo progresa sementando diferenzas senón xuntando esforzos e compartindo querencias. Aprendamos dos noso propios pés que sendo un de dereitas e outro de esquerdas camiñan xuntos toda unha vida. Tan só é unha opinión.

(O relato é orixinal de Paco Piñeiro, e compártese baixo a súa autorización, todos os dereitos do mesmo, son propiedade do autor.)

Marcos Candia – Cultura e Ocio © 2.015

VIII Xornadas “Abrindo Camiño”

Os próximos días 10, 11 e 12, terán lugar en Mondoñedo as VII Xornadas “Abrindo Camiño”, organizadas pola Asocación “Abrindo Camiño” de Amigos do Camiño Norte de Santiago; as primeiras xornadas, trala designacción desta vía como Patrimonio da Humanidade.

Contarán con un máis que amplo programa de actos e eventos de todo tipo, que comezarán de xeito oficial o venres as 20:00 h no Centro de Interpretación do Camiño Norte (Antigo Cuartel), coas intevencións de Elena Candia, Alcaldesa de Mondoñedo e Presidenta da Deputación, Rafael Sánchez Barguiela, Director da S.A. de Xestión do Plan Xacobeo, e Luis Fernández Ansedes, Presidente da Asociación Abrindo Camiño.

Ademáis este ano, no marco destas xornadas, terá lugar a I Edición da Feiramostra os Muiños, encadrada no sábado 11 e que conta con máis de 40 expositores de artesanía e agroalimenarios.

11659297_1669349149966236_8648404665970360128_n

11703201_1669349533299531_7653133247943036031_n

11713768_1669349213299563_1036809496433763447_o

11055246_1669349233299561_4305304268039998656_oMarcos Candia – Cultura e Ocio © 2.015

Mondoñedo Literario, o libro dos mindonienses

Maña xoves 2 de xullo, será un día importante para a escrita mindoniense, pois terá lugar a presentación do libro “Mondoñedo Literario”, un traballo de Armando Requeixo, outro mindoniense que recolle neste libro estudos sobre os autor@s que deu e segue a dar a nosa cidade. Amais diso, as imaxes da cuberta, autoría do mindoniense Xose Vizoso, ou a imaxe da lapela, do tamén mindoniense Marcos Candia, fan que este volume sexa o libro dos mindonienses.

A presentación, será as 20:00 h, no salón multiusos do Centro Comarcal de Mondoñedo (Antigo Cuartel da Garda Civil), e contará coas intervencións de Elena Candia, presidenta da Deputación Provincial e Alcaldesa de Mondoñedo, Claudio Rodríguez Fer, escritor e profesor da Universidade de Santiago de Compostela, e Armando Requeixo, autor do traballo e actual investigador e secretario no Centro Ramón Piñeiro para a investigación de Humanidades.

IMG_0998

Marcos Candia – Cultura e Ocio © 2.015