Arquivo da categoría: Mondoñedo FC

Álbume fotográfico: Mondoñedo FC – SD Candelaria

Na tarde desde domingo tivo lugar un novo encontro de fútbol no campo mindoniense de Viñas da Veiga. Mondoñedo FC e SD Candelaria, desputaron un partido sobre un terreo de xogo prácticamente impracticable, co resultado final de 0-0. Este blog estivo alí presente e ofrécevos un álbume fotográfico do encontro, con imaxes que dan constancia do estado do campo e do difícil que era desputar o encontro. 

As imaxes podedes velas na presentación que se inclúe ao pe destas liñas, ou tamén facendo click aquí e accedendo a nosa galería

Marcos Candia – Cultura e Ocio © 2.014

Imaxes cedidas: Mondoñedo FC

Voltamos coa sección “Imaxes Cedidas”, onde unha vez máis, Andrés García Doural, nos agasalla coas súas instantáneas. Desta volta as fotos, corresponden aos partidos de fútbol que o Mondoñedo xogou fronte ao Foz, no Martínez Otero e fronte ao Riotorto no Viñas da Veiga. (Podedes ver as imaxes a maior tamaño clicando enriba delas).

Imaxes de Andrés García Doural

Marcos Candia – Cultura e Ocio © 2.014

Entrevistamos a Hermelino, técnico do Mondoñedo FC

O Mondoñedo FC está en período vacacional, pero dende Cultura e Ocio, temos a honra de poder ofrecervos unha entrevista con Hermelino; míster do Mondoñedo a pasada campaña, un dos artífices do ascenso, e xa confirmado, técnico do próximo curso na 2ª rexional.

Temos con nos a Hermelino. Adestrador do Mondoñedo FC nesta importante tempada que marcou o ascenso do clube a 2ª rexional. Hermelino, ¿Cal cree que foi o factor máis importante para conquerir este ascenso?

Para min houbo dous factores importantes: por un lado a gran plantilla que xuntamos e por outro a gran competitividade dos xogadores á que os levaron as ansias de ascender

Durante a pasada Liga o Mondoñedo conseguiu un grandes rexistros, partidos invictos de forma continuada, máximo goleador da categoría, dos menos goleados, pero ao final, despois de toda unha Liga, a primeira praza perdeuse, ¿Cree que o equipo se relaxou no último tramo, viu perigar o ascenso direto?

A tensión acumulada durante tantas xornadas como líderes fixo que no momento en que o equipo tiña conquerido o ascenso se relaxara, xa non existia esa competitividade da que falabamos antes. Quería rematar primeiro pero sin realizar un gran esforzo final. O oxectivo marcado estaba cumprido

O Mondoñedo fixo grandes partidos, e outros non tan bos, se tivera que quedarse cun de cada, ¿Cal sería para vostede o mellor partido, e o peor?

A verdade é que fixemos bastantes partidos bos ao longo da tempada. En Abadin, contra o S.Román, Celta Barreiros na casa, Codesido, e como malos sigo quedándome cos de Pol e Barreiros fora, máis que nada porque non competimos. Sin embargo o que máis me disgustou foi o de Roupar

Para rematar coa pasada campaña, cal sería, según Hermelino, ¿o momento máis destacado da mesma?

Non cabe dúbida que o partido contra o S. Roman en Rua. Partido moi difícil polo que nos xogabamos os dous e que sacamos adiante con personalidade e sabendo sempre o que queriamos

Para este novo curso, o Mondoñedo militará na 2ª rexional, e dende a web amiga Futbol_Lucense, anuncian que Hermelino seguirá a fronte da parte técnica do clube. ¿Foi fácil tomar esta decisión? ¿Qué factores influiron para elo?

Bueno eu xa adiantara que non me importaría seguir no equipo, non so dirixindoo, senón continuando a labor que empezamos (co meu gran colaborador Diego Carro) coas categorías inferiores: prebenxamins, benxamíns e alevins, porque é un traballo moi gratificante e penso que a tempada foi moi boa e recompensounos o esforzo

De cara a este novo curso, ¿Temos algunha novidade xa no plantel, altas ou baixas?

De cara a vindeira tempada temos duas baixas coas que non contaba e si, posiblemente teremos outras tres mais que si xa estaban decididas prácticamente. No capitulo de incorporacións de momento non hai nada seguro. Estamos tratando a incorporación dun porteiro, un defensa, un/dous centrocampistas, pero de momento non están confirmadas

O clube atópase agora mesmo en etapa vacacional, ¿Cando preven comezar coa preparación da nova tempada? ¿Fecharon algún amigable?

A tempada comenzarémola, en principio, o 29 de xullo e no tocante a partidos amigables gustariame facer 5 ou 6, ainda que de momento so temos confirmado un co Muimenta o 3 de agosto, pero vamos, os equipos están de vacacións e faise difícil contactar con eles

Será unha Segunda Rexional con moitos equipos fortes e importantes, entre eles, por suposto o Mondoñedo, pero tamén Valadouro ou Foz. ¿Como ve Hermelino este reto da 2ª rexional, rivais, campos? ¿Cal é o obxetivo do clube?

A priori a competición preséntase apaixoante. O nivel é dunha 1ª rexional de fai algúns anos. Prácticamente teremos moitos derbis, S.Ciprian, S.Román, Cervo (se non se salva) Foz, Valadouro, Riotorto, en fin, unha dura e bonita competición. Nesta nova andaina pola Segunda o obxectivo do equipo vai ser o mismo que o das tempadas anteriores: Disfrutar xogando (e traballando forte, por suposto) pasalo o mellor posible e tentando consolidarnos na división, ainda que non deixamos de recoñecer que o noso potencial económico é moi, moi inferior ao doutros equipos, xa que nos non temos axuda de ningunha institución ou a que temos e insignificante

Voltamos por un intre a finiquitada campaña, a Copa Diputación e a fase de ascenso a 2ª rexional. En canto a Copa, o Mondoñedo caeu na 1ª ronda fronte ao Iberia, nunha eliminatoria que se foi en 45 minutos. ¿Que lle ocorreu ao Mondoñedo no segundo tempo do partido de volta? E da fase de ascenso a 2ª, o partido final, San Román – Abadín, e sabedores de que Hermelino foi míster dos últimos, ¿Como viviu esta eliminatoria? ¿Esperaba outro resultado?

No que respecta á eliminatoria da Copa co Iberia, pecamos un pouco de “pardillos”. No primeiro partido en Mondoñedo gañamos por un a cero, pero tivemos ocasións para levar un millor resultado e ao final tamen poideron empatar na única ocasión que tivo o Iberia. No partido de volta, no Pepe Barrera, tivemos dúas ocasións e marcamos poñéndonos por diante 2-0 aos 25´. Antes do descanso nunha xogada por banda aparentemente sen perigro cometimos un penalti que xupouxo o 2-1 e deulle vida ao Iberia. No descanso a eliminatoria estaba 3-1 a noso favor e con dous goles marcados en campo rival. Pese as advertencias feitas aos xogadores no vestiario fixeron un repliegue intensivo que o unico que provocou foi que xogaramos case todo o partido no noso campo e iso tendo en conta a experiencia do rival era mortal de necesidade como ao final nos pasou. Ao peor, eu persoalmente, non estivera tampouco moi lúcido cometendo algúns erros na alineación. De todolos xeitos estou orgulloso dos meus xogadores porque xogaron dous grandes partidos contra un grandisimo e experimentado rival. No que se refiere á eliminatoria polo ascenso entre o Abadin e S.Román, sempre pensei que as forzas estaban moi igualadas ou lixeiramente favorables ao S.Roman ao ter o partido de volta en Rua. E asi foi. Ao meu entender o Abadin no primeiro partido estivo bastante temeroso, sen arriscar, deixando xogar moi cómodo atrás ao S.Román, e asi en dous erros defensivos marcaron dous goles e ainda que o Abadin marcou un para darlle vida a eliminatoria era un mal resultado para o partido de volta, pero calqueira dos dous equipos penso que fixo méritos suficientes para ascender.

Queremos fechar esta entrevista, dándolle a palabra a Hermelino, asique, seu é este espazo para comentarnos o que queira

Bueno ainque da xa falta menos para que empece a nova tempada do tempo que pasou do remate da anterior, gustariame agradecerlle á afección de Mondoñedo o comportamente que tivo para co equipo ao longo da tempada, directivos e xogadores o traballo desinteresado, sacrificado e abnegado de todos eles co que contribuiron a consecución das metas propostas ao principio da tempada. Gracias tamén a Andres Garcia Doural e a Marcos Candia, que durante toda a tempada seguiron o equipo informando semanalmente do traballo feito e resultado dos partidos facendo moito máis amena a tempada tanto para os afeccionados como para os propios xogadores que se vian reflejados nos seus blogs e seguidos por moitos blogueros.

Grazas e unha forte aperta.

Dende esta casa “Cultura e Ocio”, queremos agradecer a colaboración prestada por Hermelino durante toda a campaña, non so nesta entrevista, se non tamén en todas e cada unha das previas, e nos partidos, facilitando ao máximo o traballo do blogue para a confección das crónicas.

Emprazamos xa a todos os nosos lectores, a esta apaixoante tempada na 2ª rexional, na que como vedes, dende o Mondoñedo FC xa se comezou a traballar.

©Marcos_Candia

O Iberia deixa fora da Copa o Mondoñedo

O Mondoñedo FC caeu derrotado por 4-2, diante do Iberia CF, quedando así fora da XXX Copa Diputación na primeira ronda; unha copa que terá como final o estadio Viñas da Veiga da cidade episcopal.

O partido comezou cun Iberia que presionaba a saída do balón do equipo de Hermelino, xa que logo os de Barreiros, precisaban remontar o 1-0 da ida. Pero o primeiro en golpear foi o Mondoñedo, que saiu moi ben a contra nestres primeiros compases do partido. Así no min 4 os mindonienses rouban un balón no medio campo que chega en inmellorables condicións a Alberto, un Alberto que non desperdicia a xogada e bate por baixo o meta do Iberia poñendo así o 0-1 no marcador. O Mondoñedo despois deste gol inicial despuxo de máis ocasións para aumentar a súa vantaxe, así no min 7, de novo Alberto, realiza unha xornada persoal que remata co seu disparo contra o lateral da rede. No min 11, chegaría a primeira clara para os locais, pero un atento Adrián dente o balón sen problemas. Xa no min 20 chegaría o segundo gol do Mondoñedo, e de novo sería un inspirado Alberto, que recibe o balón tras unha boa triangulación do centro do campo mindoniense, a defensa do Iberia estaba adiantada e Alberto cunha gran vaselina coa o esférico por segunda vez na porta local, 2-0. Con este resultado no marcador nada parecía indicar que a eliminatoria se fose escapar para o Mondoñedo, pero nada máis lexos da realidade. No min 24 chegaría o primeiro gol local, ante unha branda defensa do Mondoñedo un xogador do Iberia, so no área pequena logra batir a Adrián, poñendo así o 1-2. Antes do descanso ainda habería tempo para tres xogadas máis, a primeira no min 32, o Mondoñedo recupera o balón no medio campo e con un pase en longo a Alberto conseguen zafarse de toda a defensa do Iberia, pero cando o ariete mindoniense xa poñía a directa cara o área local, o colexiado decide sinalar unha falta a favor do Mondoñedo no medio campo, non aplicando así unha clara lei da vantaxe. Para rematar este primeiro período, no 44, o árbitro sinala un claro penalti na área do Mondoñedo, pero un acertado Adrián logra deter o balón cos seus pes evitando así que o empate campara no marcador ao descanso.

No segundo período, o Mondoñedo, unha vez máis, sae moi metido atrás no terreo de xogo, cedendo todo o control do balón ao Iberia. Ante esta situación e con un Mondoñedo incapaz de sacar o balón controlodo, sin intensidade nin contundencia, o Iberia foi quen de poñer no marcador o 3-2 dando a volta así ao partido pero non a eliminatoria. Logo destes compases iniciais o Mondoñedo consegue reaccionar tímidamente e Portela logra roubar un balón no medio campo, e cando xa estaba plantado diante do área do Iberia o último defensor destes derribao cun agarrón, incomprensiblemente o colexiado mostralle cartón amarelo, cando claramente debería ser expulsado. No min 65 a balón parado, nova ocasión para o Mondoñedo, exucuta unha falta Carro e por centímetros non logra rematar Alberto. No min 72, nova ocasión para o Mondoñedo, desta volta Jacobo non atina a marcar cando o porteiro do Iberia estaba fora da súa meta. A sentencia defenitiva do choque, chegaría no min 78, tras un erro defensivo do Mondoñedo, a bola chega a un xogador do Iberia, que libre de marca na área pequena bate a Adrián por cuarta vez e dalle a volta a unha eliminatoria que parecía que non se lle escaparía ao Mondoñedo. Nos últimos minutos o Mondoñedo tentou un gol que o metera de novo na eliminatoria, primeiro Portela no min 80, que recibe o balón tras un pase de Ramallal, pero o seu disparo vaise por enriba do longueiro. No min 84, chegaría a última do encontro, Noly, tras unha gran internada pola banda, centra para que Portela remate, pero o balón pega na parte superior do longueiro e deixa fora desta Copa ao Mondoñedo. Nos últimos minutos o Iberia acabou xogando con 9 homes.

Ao Mondoñedo fíxoselle moi longo o encontro, e a intensidade do Iberia foi determinante para a eliminación do cadro mindoniense. Así pois cerrase unha boa tempada, na que Mondoñedo FC logrou o ascenso de categoría.

Datos:

Aliñación: Adrián – Rosendo – Miguel – Pepe – Álvaro – Felipe – Campovello – Carro – Noly – Jacobo e Alberto

Trocos: Juan por Campovello, Lucas por Felipe, Portela por Alberto e Ramallal por Jacobo

Campo: Pepe Barrera de Ribadeo (o campo do Iberia atópase en obras). Céspede en perfecto estado. Boa presenza de aficcionados nas gradas.

©Andrés_García ©Marcos_Candia

Dende “Cultura e Ocio” queremos dar as gracias a toda a xente que colaborou con nos durante toda a tempada para ofrecervos a información partido a partido do Mondoñedo FC. Foi un auténtico pracer.

O Mondoñedo comeza a copa cunha victoria

Logo do flamante ascendo a segunda rexional, o cadro mindoniense comezou esta fin de semana a súa andaina da XXX Copa Diputación, para equipos de 2ª e 3ª rexional. A sorte quixo que o equipo de Hermelino se tivera que medir nesta primeira eliminatoria, a dobre partido, fronte ao Iberia CF, equipo que gañou a liga no seu grupo de 2ª rexional e conseguiu o ascenso a 1ª.

O choque comezou con un Mondoñedo algo metido atrás pero cun medio campo e defensa moi ben prantadas o que imposibilitaba que o Iberia fose capaz de facer xogadas trenzadas. A primeira ocasión do encontro chegou ao cuarto de hora de xogo e foi para Portela, que non consegue chegar a un balón dividido ante a rápida saída do meta local, moi protestada, pedindo xogadores e público a pena máxima. Pouco despois, no 22, sería Campovello o que probaría fortura, forte disparo o seu dende a frontal do área que se marcha a poucos centímetros do longueiro da meta visitante. O monólogo de ocasións locais foi constante neste primeiro período, e así no min 33 chegaría outra, desta volta para Ramallal que colle un balón morto dentro do área pero o seu disparo, algo frouxo, vaise ao lateral da rede. Xa nos últimos 5 minutos os locais desfrutarían de duas novas ocasións, unha iniciada por Carro, que mete un pase en profundidade a Álvaro para o centro deste, que se pasea por diante da liña de gol sen atopar un rematador. A última, no min 43, foi para Lucas, que recolle un pase de Ramallal, e executa un certeiro disparo que bate contra o pao da porta do Iberia. Así chegaría o descanso, co 0-0 inicial no marcador, demasiado premio para o Iberia tralas moitas ocasións colleitadas por un bo Mondoñedo.

A segunda metade, sería máis do mesmo, cun Mondoñedo batallador na procura dun gol que o puxera en vantaxe na eliminatoria. Así no min 53 chegaría a primeira ocasión deste período, Portela cede un balón atrás para que Carro, que chegaba en carreira execute un disparo que se marcha fora por pouco. 10 min máis tarde Portela desputa e gaña un balón, a defensa do Iberia, cedendo este a Lucas que chuta tamén fora por pouco. O gol local era cuestión de minutos. E chegou, por fin, no min 70 de partido, foi a balón parado, falta executada por Carro, e remate de cabeza, dun soberbio Portela que pon o balón na mesma escadra, así chegaba o 1-0. Logo deste gol, o Iberia moveu o seu banco na procura de xente fresca e intentar chegar a meta de Adrián. Un Adrián que no min 74 tivo que intervir para deter un bo disparo dun xogador visitante dende a frontal do área. Nos últimos minutos chegaría unha das xogadas máis fermosas do encontro; saída dende a defensa do Mondoñedo, cunha parede entre Carro e Jacobo, o primeiro chega o costado do área rival e pon un preciso centro para o remate de Alberto que é respostado polo meta do Iberia, o reixeite deste colleo Noly pero de novo o meta visitante refacéndose da parada anterior, consegue desviar o balón a esquina. No min 84, chegaría a última ocasión do Iberia, que apunto estivo de conseguir o empate, cun centro que se paseou polo área pequena sen atopar rematador.

Así, chegou o remate do encontro co 1-0 para o Mondoñedo, un resultado que se antolla corto tralo visto no céspede do Viñas da Veiga; o Mondoñedo mereceu máis vantaxe para o partido de volta desta eliminatoria, que se desputará o vindeiro sábado as 18:00 h no estadio “Pepe Barrera” de Ribadeo, xa que o campo do Iberia está en obras.

Datos:

Aliñación: Adrián – Álvaro – Pepe – Miguel – Genito – Lucas – Campovello – Carro – Noly – Ramallal e Portela

Trocos: Felipe por Lucas, Alberto por Portela, Jacobo por Ramallal, Juan por Genito e Jesús por Noly

Céspede: Viñas da Veiga. Campo duro e irregular. Boa asistencia de aficcionados para presenciar esta ida da XXX Copa Diputación

©AG_Doural ©Marcos_Candia