Arquivo da categoría: Mondoñedo

Semana Santa 2.016

Chega un ano máis a Semana Santa a Mondoñedo, que este ano ven marcada pola intención de conquerir para a mesma a catalogación de “Interese Turístico Galego“, para por así en valor as actividades que se levan a cabo durante a mesma na cidade mindoniense.

Deixamos aquí o cartaz da mesma, que comezará co pregón do sábado 19 as 21:00 h na Casa da Xuventude a cargo de D. José María Díaz Fernández, deán emérito da Catedral de Santiago.

As procesións comezarán o Domingo de Ramos as 11:30 h, dende a Igrexa de Santiago a Catedral de Mondoñedo, onde se celebrará a Misa de Paixón do Señor e Bendición de Ramos.

Os actos extenderanse ata o Domingo de Pascua, cando se celebrará as 12:00 h a misa de Resurrección na Catedral.

*Toda a información dos actos podes vela na web da Diócese de Mondoñedo-Ferrol.

Semana Santa, Mondoñedo
Cartel Semana Santa, Mondoñedo 2.016

Marcos Candia – Cultura e Ocio © 2.016

4, 5 e 6 de marzo, o ruxir das motos chega a Mondoñedo

Un ano máis, e xa van 27 ediccións, a cidade de Mondoñedo vivirá a súa tradiccional concentración de motos, ben chamada “A Invernal de Galicia”. Este ano será os días 4, 5 e 6 de marzo, e contará como xa é habitual, cunha exhibición dentro do seu cartel, pero terá como novidade, un circuito de minimotos.

A continuación reproducimos o cartaz do evento, así como a nota de prensa cos horarios que nos achega a organización do evento.

12540793_1672117606393517_6958939515776173955_n
XXVII Concentración de Motos de Mondoñedo

INFORME DE ACTIVIDADES PARA O ANO 2016

VERNES, 04 MARZO

20:00: APERTURA DE inscripcións, con pinchos para os inscritos (tortilla, empanadas, xamón ibérico…) e boa música.

22:00: FECHE DE INSCRIPCIÓN.

SÁBADO, 05 DE MARZO

12:00: APERTURA DE INSCRIPCIÓN.

16:00 – 20:00 Mini circuito de Minimotos na Praza do Seminario.

17:00: EXHIBICIÓN acrobática , a cargo de Pol Stunt, Avenida de Bos Aires. 

18:30 – 19:30 Contrarreloxo no circuito de minimotos, con premio dun casco para o gañador, cedido por Motor Bike Lugo.

19:00 : Entrega de premios do concurso de debuxo na Praza da Catedral.

20:00: Desfile con antorchas dos participantes, polas rúas de Mondoñedo en memoria dos compañeiros caídos no camiño.

21:15: Cea no  Polideportivo Municipal Viñas da Veiga (feche de portas ás 21:40 para unha maior organización )

23:30 Comezo de festa verbena , amenizada polo Grupo TEKILA. Durante o resto da mesma levarase a cabo a entrega de premios e trofeos.
* Piloto más veterano
* Piloto máis xoven
* Piloto de máis lexos
*A piloto máis veterana
* A piloto máis lonxana
* A piloto máis xoven
* O grupo máis numeroso Galego
* O grupo máis numeroso non Galego

Domingo, 06 de marzo

10:00: Almorzo para os participantes rexistrados.

11:00: ruta turística pola cidade veciña de Vilalba. Contorno preciso combinado da ruta, horario, etc …., 

A volta da ruta está estimada para ás 13:30.
14:00: Xantar de despedida no Polideportivo Municipal Viñas da Veiga. (Feche de portas ás 14:30 para unha mellor organización)

IMPORTANTE:

*O importe da inscripción completa será de 30€ e 28€ para preinscriptos.

* Número de conta para preinscripcións: 0238 8159 54 0700109109 Banco pastor

* Será preciso enviar un correo electrónico con DNI e nome a : motoclub634@gmail.com para una mellor organización das preinscripcións. 

* Para participar na pinchada do venres será preciso avisar mínimo con unha semán de antelación.

*Cerraranse as portas da cea do sábado ás 21:40 para una mellor organización, e da mesma maneira ás 14:30 do domingo para o xantar.

*Para apuntarse na carrera de minimotos será preciso facelo na taquilla e cun prezo de 2€.

* Cualquera cambio no relatado con anterioridade, por problemas alleos a organización, será avisado o antes posible.

Para cualquera consulta motoclub634@gmail.com

Marcos Candia – Cultura e Ocio © 2.016

Mondoñedo e Lourenzá, festexan o entroido

Achégase unha das datas máis festexadas na Mariña Lucense, o entroido, e as vilas de Mondoñedo e Lourenzá non serán excepción.

Na cidade episcopal o desfile de carnaval terá lugar o sábado día 13, polas principais rúas da cidade e como colofón na Praza da Catedral; onde o xurado determinará os premiados, que nesta ocasión, optan a preto de 5.000 € en premios repartidos en varias categorías.

Entroido Mondoñedo

Premios Mondoñedo

Pola súa parte a ACIA de Lourenzá organiza o desfile laurentino, para o domingo día 14 de febreiro; un desfile que este ano reparte tamén, preto de 5.000 € entre os seusparticipantes.

Domingo piñata Lourenzá

Bases Lourenzá

Dúas citas que debes marcar no teu almanaque, para non perderte.

Marcos Candia – Cultura e Ocio © 2.016

Presentación do último número do xornal “Mondoñedo”

CONVOCATORIA

Lugar: Casa da Xuventude (Mondoñedo)

Data: 29 de xaneiro de 2016, ás 19:00 horas

O xornal ‘Mondoñedo’, editado desde 1987 pola Asociación de Amigos da Cidade de Mondoñedo culmina unha etapa coa presentación do último número editado baixo a dirección de Xosé Ruiz Leivas, quen preside a asociación e dirixe o xornal desde 2003.

Con tal motivo, as institucións, asociación e persoas que convocan este acto expresan o seu desexo de, ademais de facer a presentación pública deste número, render homenaxe e agradecemento a Xosé Ruiz Leivas, e aproveitar a ocasión para debater sobre un futuro posible para a prensa mindoniense.

Mondoñedo, cidade pioneira na implantación da imprenta en Galicia, onde se imprimiron títulos fundamentais para a historia deste país, onde se editaron máis de 50 cabeceiras de xornais e revistas de todo tipo, e outras moitas doutras vilas, e na que se contabilizan arredor dun cento de nomes de escritores e escritoras nacidos ou vinculados a Mondoñedo, non pode renunciar ao seu fecundo legado literario e xornalístico.

Actividades programadas:

19.00 h.- Presentación do último número do xornal ‘Mondoñedo’

Participan: Elena Candia López, alcaldesa de Mondoñedo; Antonio Reigosa, cronista oficial, Luís Fernández Ansedes, presidente da Asoc. “Abrindo Camiño” e coordinador da plataforma cidadá  “Comarca de Mondoñedo Unida”, e  Xosé Ruiz Leivas, presidente da Asoc. de Amigos da Cidade de Mondoñedo e editor-director do xornal ‘Mondoñedo’.

19.15 h.– Crónicas vivas: Parladoiro para evocar o pasado e propoñer un futuro para a información local. Desde os medios clásicos ás novas tecnoloxías.

Participan: Xosé Ruiz Leivas, editor e director do xornal ‘Mondoñedo’, Fran Bouso, profesor e colaborador habitual nos medios de comunicación, e Antonio Reigosa, cronista oficial de Mondoñedo, que fará as veces de moderador.

Durante o acto proxectarase “A liña das letras”, unha documentada revisión a través dunha liña do tempo da interacción entre os escritores e a prensa mindonienses desde mediados do s. XIX ata os tempos actuais, elaborada por Manuel Gago, Armando Requeixo e Javier Álvarez para culturagalega.gal.

Tamén participan colaboradores do xornal (Pedro Díaz, Xe Freyre, José Mª Palacios, Josechu Artiaga, Conce Agrelo, Jesús Chao Falcón, Andrés García Doural, Arturo Bello, Pepe de Noriega, Lorenzo Ares, J. Luis Fernández Queno, Hermes, Luciano do Monfadal …) que de seguro traerán á memoria a Ricardo Pedreira, primeiro presidente da Asociación e director do xornal, a Xosé Díaz Jácome, cronista oficial de Mondoñedo, entre outros.

Organiza: Plataforma  “Comarca de Mondoñedo Unida”

Colaboran: Asociación “Abrindo Camiño”. ACIAM. Amigos da Cidade de Mondoñedo. Circulo Recreativo Casino. Xuvenil “Xoldra”. Deportiva Mondoñedo Ciudad. Pais, nais e alumnado da Escola Municipal de Música. Grupo Literario “Leiras Pulpeiro”. Orfeón da Sociedade de Obreiros. Colectivo Mondoñedo É … Pais e Nais do IES San Rosendo AMOLOU.  Asoc. “As San Lucas” e o concello de Mondoñedo.

Marcos Candia – Cultura e Ocio © 2.016

Pepe Ruíz Leivas

A continuación reproducimos a nota de empresa que nos fai chegar Antonio Reigosa, Cronista Oficial da Cidade de Mondoñedo.

A mellor maneira de saber da saúde vital dun lugar é ler a prensa que foi xerando devagar. A historia dilata e contrae, como os latexos do corazón, e, xa que logo, indica ben o ritmo do devir de calquera asentamento humano.

Se atendemos ao arredor de medio cento de cabeceiras de prensa que se foron editando ata o de agora desde a segunda metade do século XIX, en Mondoñedo andamos sobrados de cardiogramas. Grazas a eses xornais sabemos moi ben como nos foi e podemos afirmar, con moderado orgullo, que temos rexistros sobros para saber de onde vimos, e, avisamos, andamos á procura dun tratamento para salvagardar pasado e futuro ao mesmo tempo. Convalecemos, que é non é pouco, pero estamos no camiño da recuperación definitiva.

Este venres, 29 de xaneiro de 2016 (ano do 150 aniversario da morte de Manuela Rey), reunímonos os e as mindonienses arredor dun xornal e dun xornalista excepcional.

O xornal “Mondoñedo”, promovido pola Asociación de Amigos da Cidade de Mondoñedo, leva saíndo regularmente á rúa desde febreiro de 1987. Fixérono posible numerosas persoas, entre as que destaca a man filántropa de Ricardo Pedreira, recentemente falecido. Continuaron o seu labor Pedro Díaz e Pepe Ruiz Leivas. Unha publicación bimensual sostida polos subscritores, que foi chegando puntual a diferentes destinos, algúns alén mar, durante nada menos que 28 anos. Ducias de colaboradores encheron o xornal de literatura, historia, arte e información local, e levaron alí a onde Mondoñedo é un sentimento, un alivio para a saudade.

Xosé Ruíz Leivas foi elixido presidente da asociación e responsable da edición do xornal en 2003. Naceu na Coruña, de nai mindoniense, en 1931. Despois residiu en Venezuela e Madrid, e instálase en Mondoñedo en 1988.

Das súas andanzas polo mundo quedan abondosas experiencias xornalísticas. Na radio do Centro Galego de Maracaibo, na Revista Vinoclub, que fundou e dirixiu, ou na edición mariñá do xornal El Progreso na que colaborou desde os comezos en 2003 e onde publicou máis de 230 artigos.

Co xornal “Mondoñedo” colaborou desde o número 0 e dirixiuno desde 2003. Por algún dos seus traballos foi recoñecido con premios entre os que destacan guións para televisión ou artigos sobre viños. É autor de guías sobre aspectos da historia e vida mindoniense, e foi convidado a impartir numerosas conferencias e a pronunciar algún que outro pregón.

É autor de numerosos libros, tanto de investigación histórica (en colaboración con Andrés García Doural) como de creación literaria, tanto poética como narrativa. “Don Celestino”, “Guía fantástica de Mondoñedo” ou “Un paseo polo barrio dos Muíños” son só unha minúscula mostra da súa extensa e meritoria produción.

Agora, lei de vida, Pepe quere escribir un punto e final na súa etapa como responsable do xornal que xa é, con diferenza, o máis lonxevo da historia da prensa mindoniense. Só “La Voz de Mondoñedo” (1903-1925) se lle achega.

Quédanos agradecerlle a Pepe Ruiz Leivas tan xenerosa entrega e achegarnos o 29 á Casa da Xuventude de Mondoñedo para que saiba pola nosa boca que o seu labor non foi inútil Ao contrario. Eu imaxínoo parapetado tras da maqueta dun novo número do xornal “Mondoñedo”, fantasiando coa ilusión de que nunca sexa o derradeiro.

©Antonio Reigosa –Cronista oficial de Mondoñedo

Marcos Candia – Cultura e Ocio © 2.016