Arquivos da etiqueta: 3ª Rexional

VOLTAMOS. O Mondoñedo FC ascende a 2ª rexional

O Mondoñedo FC volta a segunda rexional do fútbol galego trala súa victoria desta tarde diante do Praia de Covas.

Tarde expléndida de fútbol a vista hoxe en Mondoñedo, non so polo que se xogaba o cadro local, tamén no aspecto metereolóxico e por suposto polo ambiente na grada, os mindonienses responderon e deronlle un gran colorido a grada do Viñas da Veiga, deixándoa prácticamente chea e incluso con algunha pancarta de apoio aos xogadores.

O partido comezou dende o minuto 1 dominado polo Mondoñedo que buscaba o gol sen cesar. Antes da media hora de xogo, os de Hermelino xa dispuxeran de ata 4 saques de esquina pero sen fortuna no remate final.

Pouco pasaba da media hora, min 33, cando o líder abreu a lata, e como non Manuel foi o encargado de facelo. Vive nun estado de forma envexable e esta a colleitar uns grandes números. Este primeiro gol chegou tras unha gran xogada de Genito pola esquerda, que se foi ata de tres marcadores, para deixar o balón a Portela que a súa vez cedeu a Manuel que non perdonou o primeiro.

Despois deste primeiro tanto, o Praia de Covas tivo unha tímida chegada a meta mindoninese, que Adrián respostou co seu acerto habitual. E nun abrir e fechar de ollos, no min 38 chegou o 2-0, ¿adiviñades de quen? de novo Manuel. Saque de falta de Carro e o ariete mindoniense remata de cabeza a gol, o partido estaba completamente encarrilado.

A raíz deste dous tantos o Mondoñedo xogou moito máis tranquilo, controlando de forma excepcional o xogo no medio campo, e incluso, antes de rematar este 1º período, os de Hermelino dispuxeron de máis ocasións. Campovello probaría fortuna cun forte disparo tras unha parede con Manuel, e en apenas 2 minutos sería Portela, o que remataría de cabeza un preciso centro do omnipresente Manuel, pero sen atopar porta.

Logo desta dúas ocasións, e xa ao final da 1ª parte, o Covas dispuxo do seu primeiro córner e tamén dunha falta pero ambas ocasións remataron sen perigo para a meta mindoniense, deixando o marcador en 2-0 ao descanso.

A segunda metade comezou co Mondoñedo de novo volcado no ataque, e no min 2, de novo un espectacular Manuel dispuxo dunha nova ocasión para marcar pero o seu lanzamento foise desviado por ben pouco. E en apenas 2 minutos máis sería o gran Noly o que tería o terceiro tanto nas súas botas, pero tras un bo centro de Rosendo, o seu remate foise lamendo o pao da porteira visitante. No min 13 de novo ocasión para Manuel que non atopou porta desta volta, e de seguido dous lanzamentos de esquina, ambos executados por Carro que tampouco remataron en gol. No 17 sería de novo Manuel, unha vez máis o que buscaría porta tras un bo centro de portela, pero desta vez atopouse coa boa respota do meta do Covas. O Mondoñedo someteu a un acoso incesante a meta do Praia do Covas en busca de máis goles e a sentenza definitiva do seu ascenso a 2ª. Pero claro está, os visitantes tamén estaban no campo, e despuxeron dunha moi boa ocasión para marcar o seu primeiro tanto, corría o min 18 e Adrián tivo que facer unha gran estirada para deter o balón cando este xa se coaba na súa meta.

No min 24, Manuel tivo que retirarse do campo por lesión e foise coa fonda ovación de toda a grada do Viñas da Veiga, pero non por este partido, senon pola súa gran tempada que está a culminar dun xeito expléndido.


Pero o partido seguía o seu rumbo e no min 30 chegou o 3-0. Un auténtico golazo de falta directa executada con gran destreza por Carro, que deste xeito paracía deixar sentenciado o encontro e o ascenso a 2ª para o Mondoñedo.

Con este marcador, e a falta dun cuarto de hora o ascenso do Mondoñedo xa non se podía escapar, pero o Praia de Covas seguiu buscando polo menos un tanto, e este puido chegar no min 35 tras un bo disparo do Covas pero un atendo Adrián detivo a bola sen complicacións. E de novo no min 40 Adrián detivo un gol cantado do equipo visitante, tras un bo centro pola esquerda que era medio gol, pero o atento meta mindoniense cortou o perigo.

Xa co partido agonizando Ramallal dispuxo dunha boa ocasión a pase de Dani pero o seu remate foi a córner, un novo saque de esquina dos infinitos dos que despuxo hoxe o cadro de Hermelino, un equipo que rallou a un gran nivel e certificou o seu ascenso a 2ª rexional con un gran partido e por suposto como culmen a unha excepcional tempada.

O final do partido 3-0, e ambientazo no Viñas da Veiga, xogadores, técnico, directiva e aficción celebraron como se merece este importante paso para o Mondoñedo FC.

Agora a celebralo como se merece, tras todo o traballo desta tempada, pero sen esquecer que quedan dous partidos, a visita a Ourol, e o enfróntamento da última xornada diante do Pol, como último obxectivo desta liga o Mondoñedo debe loitar por ser CAMPIÓN do seu grupo. Debemos recordar que o Mondoñedo, dende a 1ª xornada de Liga, é líder ou colíder do grupo.

EN HORA BOA!!! CULTURA E OCIO SÚMASE A FESTA DO FÚTBOL EN MONDOÑEDO. GRAZAS RAPACES! GRAZAS HERMELINO


Datos:

Aliñación: Adrián – Rosendo – Miguel – Pepe – Genito – Campovello – Carro – Noly – Portela – Álvaro e Manuel

Trocos: Felipe por Campovello (min 20 2ª parte), Dani por Manuel (min 24 2ª parte), Jesús por Noly (min 32 2ª parte), Ramallal por Álvaro (min 32 2ª parte) e Fabián por Genito (min 38 2ª parte)

Campo: Viñas da Veiga. Cespede en regulares condicións. A grada excepcional. Mondoñedo volcado co seu equipo e vivindo, como debe ser, un merecido ascenso.

©Marcos_García ©Marcos_Candia

A Previa: Mondoñedo FC – AD Praia de Covas

Esta, como sabedes non é unha previa como as de sempre, é especial, e este factor ESPECIAL, dallo o traballo dos xogadores do Mondoñedo e de Hermelino, ao longo de toda esta tempada, o encontro desta fin de semana, pode supoñer o ascenso de categoría do Mondoñedo FC.

Mondoñedo FC – AD Praia de Covas

Domingo 14 de abril as 17:00 h

Colexiado: D. Juan Carlos Polo Fernández

Campo: Viñas da Veiga (SÚMATE ANIMAR AO TEU EQUIPO)

Como vimos decindo, se o Mondoñedo suma tres puntos estará xa na 2ª rexional, pero para iso, é preciso, gañar a un moi bo equipo a AD Praia de Covas. Un equipo de xente moi nova, con moitas gañas e que, sobre todo no seu feudo, xoga un gran fútbol, moi limpo e rápido. A pesar de todo isto o Praia de Covas aparece no posto 14º da clasificación, penúltimo, con 20 puntos tras 5 victorias, 5 empates e 16 derrotas. Conta con 36 goles a favor por 66 en contra. Dos últimos 30 puntos en xogo logrou 9. Antes da súa estatística como visitante, comentar que o Praia de Covas no partido da 1ª volta contra o Mondoñedo, caeu derrotado no seu feudo por un axustado 0-1, tras un golazo de Noly nos últimos minutos dun partido que estivera moi igualado.

O Praia de Covas visita Mondoñedo con estos antecedentes fora do seu feudo esta tempada: 2 victorias (en Momán 2-3 e en Cazás tamén por 2-3), 1 empate (en Folgueiro 3-3) e 9 derrotas (Pol 3-2, Codesido 1-0, Galdo 3-1, Abadín 6-0, San Antonio 3-1, Ourol 4-2, Goiriz 5-0, Barreiros 6-1 e Roupar 3-1).

A pesar destos datos, e insistindo na xuventude, gañas e actitude do Praia de Covas, seguro que non llo pon nada fácil ao Mondoñedo e que virá a por todas ao Viñas da Veiga.

Falamos co míster do Mondoñedo, Hermelino, que ademáis de facilitarnos a convocatoria, deunos tamén as súas impresións de cara a este importante partido. “Tivemos unha boa semana de adestramentos, con moito ánimo e mentalización para non despreciar ao rival, polo que agardo que a euforia que se vive na xente, se note o menos posible no campo, agardo que todo discorra con normalidade”. O míster, precavido coma sempre nas súas palabras, deixa entrever a mentalización dos seus homes. En canto a lista de convocados, cáense da mesma Lucas e Juan por decisión técnica, Jacobo por lesión e Alberto que segue sancionado. Deste xeito os 16 xogadores que estarán maña dispoñibles son:

Adrián – Álvaro – Pepe – Miguel – Genito – Noly – Ramallal – Jesús – Carro – Portela – Manuel – Fabián – Rosendo – Felipe – Campovello e Dani

©Marcos_Candia

Non é un partido máis

Domingo 14 de abril as 17:00 h, ese día e asa hora poden marcar un antes e un despois nun grupo de rapaces, que durante toda esta tempada, deixaron a pel e as forzas por levar a bo porto, partido tras partido, a tempada do Mondoñedo FC, dirixidos dende o banco por Hermelino.

O Mondoñedo FC ten a oportunidade de selar o seu ascenso esta fin de semana; para elo, se suma os tres puntos, será oficialmente equipo de 2ª rexional a vindeira tempada. Enfronte estará o Praia de Covas, un equipo forxado con xente nova e moitas gañas de aprender a xogar ao fútbol, un equipo que non ten nada que perder, e que pese a súa clasificación, xoga moi ben ao fútbol e deixa xogar. Coma sempre, este blog ofreceravos “A Previa”, pero este, é un partido especial, un partido que os mindonienses debemos vivir dun xeito especial, e apoiar aos nosos futbolistas e entrenador nun día tan importante. Sabedores disto, dous mindonienses de pro como os amigos Zalo e Andrés Doural, fixeron sendas montaxes a modo de cartel para animar e apoiar o equipo a vez que movilizar aos veciños ao Viñas da Veiga a festa do fútbol en Mondoñedo.

Dende este blog, queremos facernos eco destes traballos de Zalo e Andrés, e co seu permiso ahí van:

As ideas de Zalo:

O cartel deseñado por Andrés:

Como xa sabedes, levamos toda a tempada informando, partido tras partido, da actualidade e resultados do noso equipo, e agora nun momento tan importante, queremos darlles todo o apoio e ánimo do mundo, para levar a bo porto o excepcional traballo de toda a tempada.

Adrián, Rosendo, Fabián, Miguel, Pepe, Campovello, Carro, Genito, Alberto, Noly, Felipe, Juan, Lucas, Jesús, Ramallal, Portela, Álvaro, Dani, Manuel e Jacobo. Hermelino. Directiv@s. GRAZAS A TODOS POLA MAGNÍFICA TEMPADA QUE ESTADES A FACER, so queda o último paso, e estamos seguros de que o Mondoñedo será equipo de 2ª o próximo ano.

FORZA MONDOÑEDO F.C.

©Marcos_Candia

O Mondoñedo trae tras puntos e deixa un gran fútbol en San Román

O Mondoñedo chegaba a San Román coa necesidade de sacar un resultado positivo dun dos campos máis complicados da categoria “A Cha”, e deberas que o conseguiu. Bo fútbol, goles e tres puntos que deixan os pupilos de Hermelino moi preto do ascenso, un ascenso que se podería confirmar a próxima semana no Viñas da Veiga fronte o Praia de Covas. 

O partido comezou con un gran Mondoñedo sobre o terreo de xogo, movendo ben o balón e mantendo a liña ao San Román. A primeira clara chegou no minuto 20 e foi para Portela, este rebasou o porteiro pero o colexiado con concedeu o gol ao interpretar que o balón non entrara por completo na meta do San Román. Outra clara para o Mondoñedo, chegaría no minuto 30, un excepcional Manuel, cun potente disparo dende a fronta obrigou a lucirse ao meta local. Pola súa parte o San Román neste primeiro tempo so chegaba a porta do Mondoñedo a través de balón en longo sobre todo polo costado dereito do seu ataque, pero sen claridade ningunha nos metros finais. De todolos xeitos, o fútbol e caprichoso, e no minuto 34, un lanzamento de falta a favor do San Román, executado con gran destreza, coábase na meta de Adrián tras superar a barreira e adiantaba ao equipo local, que chegaría ao descanso con vantaxe no marcador. Demasiado premio para o visto neste 1º período. Unha primeira parte que deixou tamén a nota negativa coa lesión de Juan no min 26, dando Hermelino entrada no campo a Pepe e cambiando este a posición con Felipe que estaba de central. 

Na segunda metade o Mondoñedo saiu ao céspede coa intención de darlle a volta ao marcador, e dende ben axiña deixou constancia das súas intencións. No min 58, de novo Manuel, de falta directa poñía en apuros ao meta local. Sería no min 64 cando chegaría o empate. Carro colga con precisión unha falta na área, e de novo Manuel, en estado de gracia, remata de cabeza e pon o 1-1 no marcador. Co empate no taboleiro, o equipo de Hermelino non desistiu e buscou o máis difícil, a remontada. O ataque guiado por Manuel, que esta rematando a tempada de xeito espectacular, non deixou de xerar ocasións. Así no min. 78, sería de novo o hábil punta do Viñas da Veiga, o que poría ben preto do pao da meta do San Román, un xenial disparo dende a frontal do área. Pouco despois, no 84 chegaba o segundo tanto para o Mondoñedo. Sería o mestre, Noly, que executaba de forma maxistral unha falta, e axudado por un leve toque de cabeza dun xogador do San Román, o que poría a remontada no marcador, o 1-2 chegaba “A Cha”. Co marcador en contra, o San Román tentou buscar o empate, tivo a súa ocasión no min 88, pero o remate final foise moi desviado. A sentenza definitiva, chegou xa no min 90, de novo Manuel, que cerrou de novo un impresionante partido, tras un gran autopase co que se zafou da defensa rival, tirou a porta, o seu disparo bateu no pau, e un atendo Dani, que seguía a xogada, aproveitou o rexeite para poñer o definitivo 1-3 no taboleiro. 

Tras este marcador o Mondoñedo segue líder a falta de tres partidos, con 59 puntos, os mesmos que o Pol que é segundo, ambos en postos de ascenso directo, e ambos, de gañar a próxima xornada, serían equipos da 2ª rexional. Recordamos que o Mondoñedo xogará fronte o Praia de Covas, no Viñas da Veiga, previsiblemente o domingo 14 as 17:00 h. 3º queda o San Román con 55 puntos, pero na próxima xornada descansará co cal so lle quedan 2 partidos por desputar. 4º está o Abadín con 50 puntos trala súa derrota de hoxe como local fronte o Pol por 0-1. 5º o Celta Barreiros con 49 puntos e que nesta xornada non pasou do empate na súa casa fronte o Momán por 3-3. 6º e fechando os postos de PlayOff está o Ourol con 45 puntos e que onte tampouco pasou do empate como local diante do Cazás, colista, por 2-2. 

Tres partidos pois, lle restan aos de Hermelino para certificar o ascenso a 2ª rexional, unha soa victoria é suficiente para asegurarse estar entre os 2 primeiros, pero dende logo, e tras toda unha liga no 1º posto, os homes de Hermelino deben loitar por acabar líderes. Praia de Covas, Ourol e Pol os tres choques que restan para volver a 2ª rexional.

Datos:

Aliñación: Adrián – Rosendo – Miguel – Felipe – Carro – Juan – Campovello – Ramallal – Noly – Portela e Manuel.

Trocos: Pepe por Juan (min 26), Álvaro por Ramallal (min 70) e Dani por Portela (min 75)

Campo: “A Cha”. Terreo de xogo en bo estado. Numerosa presenza de aficcionados locais e tamén desprazados dende Mondoñedo.

©AG_Doural ©Marcos_Candia

A Previa: CD San Román – Mondoñedo FC

Tan so lle quedan ao Mondoñedo 4 partidos para rematar a liga regular na 3ª regional, 4 finais, a pesar de ser líder ou colíder dende a 1ª xornada o Mondoñedo ainda non ten asegurado o ascenso directo.

CD San Román – Mondoñedo FC

Domingo 7 de abril de 2.013 as 17:00 h

Campo: “A Cha” San Román (se queres saber como chegar fai click aquí)

Colexiado: Adrián Álvarez Ignacio

O Mondoñedo con un total de 56 puntos de 72 desputados polo momento, como deciamos, non ten asuguro o seu ascenso directo, da fe, este dato, da igualdade que se vive na parte alta da táboa, co Pol no 2º posto empatado a puntos co Mondoñedo pero co gol average xeral en contra (recordemos que na ida entre estos dous equipos o Pol venceu por 3-0 ao Mondoñedo, en caso de empate a puntos o final da liga o Mondoñedo debería remontar este gol average particular para estar por enriba do Pol), 3º é precisamente o San Román con 55 puntos a tan so un do Mondoñedo e 4º está o Abadín con 50 puntos a 6 dos mindonienses.

O Rival do Mondoñedo nesta xornada, o San Román, a pesar de estar a tan so un punto, non se pode permitir un tropezo de ningún tipo, xa que so lle restan tres partidos por xogar, ainda debe descansar e farao na próxima xornada, co cal para o Mondoñedo colleitar algún punto en San Román sería moi importante de cara ao ascenso directo. Vexamos as estatísticas do rival desta xornada.

55 puntos, 17 partidos gañados, 4 empatados e outros tantos perdidos, 52 goles a favor sendo así o 3º equipo máis goleador da categoría por detrás do Mondoñedo (58) e do Abadín (56) e seguido polo Barreiros (49) e 27 en contra, son os números do San Román o que vai de Liga; estos números como local quedan así: 9 victorias, ningún empate e 2 derrotas.

As súas victorias na casa foron fronte o Pol (2-1), Codesido (3-1), Folgueiro (6-0), San Antonio (5-0), Goiriz (1-0), Momán (2-0), Celta Barreiros (2-1), Roupar (3-1) e Cazás (4-1); non conta con ningún empate como local e caeu en dous partidos, foi fronte o Galdo (1-2) e o Abadín (2-3).

Destacar destes datos como local as súas victorias fronte o Pol 2º clasificado ou o Celta Barreiros 5º actualmente. A derrota recibida fronte o Galdo, significou a 1º en Liga e chegaria na 5ª xornada, pola súa parte a recibida fronte o Abadín foi na 9ª xornada; dende aquela o San Román gañou todos os partidos que desputou no seu feudo, un total de 6 facendo así 18 puntos como local nestes partidos. Ademáis outro importante dato, é que o San Román, actualmente, leva unha bagaxe de 27 puntos sobre 30 posibles nas últimas xornadas, perdendo os 3 restantes fronte o Abadín, no feudo deste último, fai tres xornadas por un marcador de 4-1.

Será unha dura pedra de toque para os homes de Hermelino, de cara as súas aspiracións ao ascenso directo, ainda que calquera resultado que se puidera dar, non sería definitivo, xa que o San Román debe descansar a próxima xornada, pero voltar con algún punto podería ser un paso vital ao final. Deste partido, como en todas as xornadas, Hermelino deunos a súa oponión e tamén nos facilitou a lista de homes dispoñibles e convocados para o choque.

En canto ao partido, o preparador mindoniense, considerao de “vital importancia para ambos equipos, un partido no que ninguén querera caer derrotado polo que unha derrota poría supor para o seu futuro”. Hermelino dinos que os seus homes “están con gañas e mentalizados, polo que son optimista e espero acadar un resultado positivo, ainda recoñecendo a dificultado do partido”.

Será pois, como adiantabamos, un partido de poder a poder, entre duas escadras que buscan subir unha categoría de cara a próxima tempada.

Para este duro enfrentamento, Hermelino ten tres baixas sensibles, Alberto por sanción e Jacobo e Fabián por sendas lesións; o míster deixou fora da lista a Lucas por decisión técnica. Polo tanto os homes que viaixan a San Román para este importante partido son os seguintes:

Adrián – Rosendo – Miguel – Campovello – Pepe – Álvaro – Genito – Carro – Noly – Felipe – Jesús – Juan – Dani – Portela – Ramallal e Manuel.

©Marcos_Candia