Arquivos da etiqueta: 3ª Rexional

Tres puntos con tres goles de Manuel

Importante victoria a colleitada hoxe polo Mondoñedo no Viñas da Veiga, sobre un terreo de xogo prácticamente impracticable.

Manuel, que está nun estado de forma espectacular fixo os tres tantos dos de Hermelino para certificar esta victoria.

Comezou o encontro con un Mondoñedo moi ben plantado buscando o gol desde o comezo. Xa no min 3′ Manuel tería o primeiro nas súas botas, tras unha xogada persoal o seu disparo final foise fora por moi pouco. Tan so 2 minutos despois, Felipe lanzou unha falta desde o costado esquerdo do ataque local e o balón despexado pola defensa do San Antonio, apunto estivo de coarse na súa porta. Xa no min 11′ sería Ramallal o que o intentaba, internada por velocidade na área do San Antonio, pero Ramallal no era quen de superar o meta visitante que rexeitaba o seu lanzamento. No min 13′ a defensa lucense sacaba o balón da mesma liña de gol tras un lanzamento de córner do Mondoñedo.

A primeira chegada do San Antonio neste período sería no min 15′, pero un atento Fabián interceptaba o último pase que deixaba a un xogador visitante so diante de Adrián. Na seguinte xogada chegaría o primeiro tanto de Manuel, colleitado tras un gran disparo dende a frontal do área axustado milimétricamente a base do pao que fixo nula estirada do porteiro do San Antonio. A partires deste gol o partido foi pouco a pouco perdendo intensidade neste primeiro tempo e nos últimos minutos do mesmo, o San Antonio dominaba a posesión do balón pero sen crear excesivo perigo, pola súa parte o Mondoñedo non era quen de chegar con claridade a meta rival, perdendo moitos balóns nas últimas liñas do xogo. No min 39′ chegou o primeiro tiro a porta dos visitantes, sería dende a frontal do área, un tiro que non levou perigo para Adrián que chapou a bola sen problemas.

O segundo tempo comezou cun San Antonio moi ben prantado e buscando a área do Mondoñedo. No min 2′ sacan un córner que se pasea por toda a área pequena sen que ningún xogador do San Antonio sexa capaz de empuxar o balón a gol. Para ver a primeira ocasión do Mondoñedo neste período esperamos ata o min 9′ e foi de novo Manuel, pero desta vez o seu disparo foise as rentes do pao. No min 13′ de novo Manuel consegue un lanzamento a porta que e despexado polo meta visitante. Pero no seguinte minuto 14′ chegaría un bo susto para a parroquia local, o San Antonio atópase primeiro co pao e no rexeite do mesmo outro xogador do San Antonio atopaba a excepcional resposta de Adrián que se facía cun balón a boca xarro. Tan so dous minutos despois no 16′ o Mondoñedo quedábase cun home menos pola expulsión de Alberto tras un fea entrada. A partir de aquí o partido entrou nunha fase na que ningún dos dos equipos conseguía xogadas claras, ademáis o estado do campo a estas alturas de encontro era moi precario. Pero o Mondoñedo soubo aproveitar a velocidade de Manuel e con dous pases medidos cerrou o encontro. Sobre a media hora de xogo desta 2ª parte, no min 34′ chegaría o segundo do Mondoñedo, o segundo de Manuel. Velocidade e definición para ver un novo gol do hábil xogador mindoniense. Tan so dous minutos despois no 36′ Manuel rubricaba o seu hack trick de novo poñendo de manifesto a súa punta de velocidade e unha gran definición ante a saída do meta rival. Con estes dous goles o partido quedou completamente fechado e o San Antonio baixou por completo os brazos.

Así pois, importantísimos tres puntos para o Mondoñedo que o poñen con 56 ao fronte da clasificación. Maña xogaran Pol e Abadín, 2º e 3º respectivamente. Pola súa parte o equipo de Hermelino desfrutara a vindeira semana da súa xornada de descanso, e na próxima a competición sofre un parón debido a Semana Santa. Así pois, o próximo partido do Mondoñedo será xa en abril, a primeira fin de semana, enfrontándose ao San Román no seu feudo. Un San Román que de gañar os seus compromisos chegaría a ese partido a tan so un punto do Mondoñedo.

Queda pouco xa para rematar a liga, 4 partidos, 2 como visitante e 2 no Viñas da Veiga. É o momento de dalo todo para facer bo todo o traballo desta tempada, na que o Mondoñedo é líder dende a primeira xornada.

Datos:

Aliñación: Adrián – Fabián – Miguel – Carro – Alberto – Felipe – Noly – Ramallal – Manuel – Portela e Jacobo

Trocos: Genito por Ramallal (min 16′ 2ª parte), Álvaro por Portela (min 16′ 2ª parte), Lucas por Felipe (min 31′ 2ª parte), Campovello por Jacobo (min 31′ 2ª parte) e Juan por Noly (min 34′ 2ª parte)

Campo: Viñas da Veiga. Sobre 30 espectadores. Terreo de xogo en moi malas condicións, con moito barro e defícit de herba.

©Marcos_Candia

A Previa: Mondoñedo FC – SDC San Antonio

Este sábado o Mondoñedo FC ten outro importante partido de cara a súa pelexa por ascender a segunda rexional. Con este quédanlle tan so 5 partidos por xogar, e o segundo en liza na táboa, o Pol, está a tan so 3 puntos de distancia.

Mondoñedo FC – SDC San Antonio

Sábado 16 de marzo as 16:30 h

Árbitro: D. Abraham Vázquez Alemparte

Campo de fútbol: Viñas da Veiga, Mondoñedo

O Mondoñedo afronta o partido deste sábado xusto antes de desfrutar da súa xornada de descanso nesta segunda volta. A victoria faise moi importante para os homes de Hermelino, xa que o Pol, 2º clasificado, está a tan so 3 puntos, e de gañar esta fin de semana e a próxima, igualaría o Mondoñedo na clasificación en caso de gañar este partido.

O San Antonio rival deste sábado, marcha 10º na táboa, analizamos os seus datos na nosa estatística.

O San Antonio, como decíamos marcha 10º na liga, tras 22 partidos, con 24 puntos colleitados en 7 victorias e 3 empates, pola contra sufríu 12 derrotas. Ten 30 goles ao seu favor por 49 en contra.

Analizamos os seus datos como visitante nesta liga, onde gañou 3 partidos, empatou outros 3 e perdou 5. As súas victorias foron en Roupar (1-3), Goiriz (2-3) e Novas Raíces de Galdo (0-1), todas pola mínima e contra equipos da parte media-baixa da táboa. Sacou tamén tres empates en Momán e Barreiros ambos por 1-1 e en Folgueiro por 2-2; destacar aquí o seu empate no campo do Celta Barreiros, terreo que ata a pasada xornada permanecía imbatido, no último partido o Pol rachou esa xeira dos barreirenses no seu feudo, impoñéndose por 0-1.E por últimos as derrotas do San Antonio como visitante en: Cazás (2-0), San Román (5-0), Ourol (3-2), Codesido (3-0) e Abadín 4-0. Ademáis o San Antonio chega fresco a este partido, tras descansar a pasada xornada. No partido da primeira volta, o Mondoñedo impuxérase en Lugo por 1-5.

Pola súa parte o Mondoñedo despois deste partido terá duas semanas sen fútbol, a xornada de descanso xa comentada, e a Semana Santa, na cal a competición na 3ª rexional sofre un parón. Dada esta xornada de descanso, e como xa indicamos, os tres puntos deste partido serían moi importantes para manter a distancia co Pol, e que como moito, que na próxima xornada igualen a puntos cos de Hermelino. Tamén cabe destacar, que en Semana Santa, a pesar do parón na 3ª rexional, haberá un partido, o San Román – Goiriz, aprazado no seu día polo temporal. De gañar os seus partidos o San Román, quedaría a un so punto tamén do Mondoñedo. Precisamente este, será o proximo rival do Mondoñedo na volta a competición en abril.

Falamos con Hermelino sobre este partido, do cal nos comentou a importancia do mesmo, no que non se poden permitir ningún erro, tentarán levarse a victoria sempre desde o respeto o rival e sabedores do bo fútbol que desenrolan. Tamén o míster facilitounos a convocatoria para este choque que é a seguinte:


Adrián – Álvaro – Fabián – Campovello – Miguel – Alberto – Genito – Juan – Lucas – Felipe – Carro – Noly – Ramallal – Portela – Jacobo e Manuel

©Marcos_Candia

O Mondoñedo volta con tres importantes puntos de Cazás

O Mondoñedo necesitaba esta victoria para seguir a fronte da táboa xa que onte sábado o Pol foi quen de derrotar o Barreiros por 0-1 poñéndose cos mesmos puntos que os pupilos de Hermelino ata o partido de hoxe. O final o Mondoñedo derrotou ao Cazás sobre un campo de Catro Ventos bastante brando e irregular.

No minuto 10 de partido xa se puxeron as cousas de cara para o Mondoñedo. Un espectacular Manuel, que está en racha, poñía o 0-1 no marcador finalizando unha xogada de contragolpe do equipo mindoniense. Pouco despois, outro dos máis destacados hoxe, Alberto, tería dúas ocasións para aumentar a renda do Mondoñedo, sendo a segunda a máis clara con un remate de cabeza que se foi rozando o pao. A media hora de xogo e tras unha boa xogada de ataque do Mondoñedo, Manuel sufre unha zancadilla dentro do área do Cazás que o colexiado non dubida en sinalar como penalti. Un penalti executado por Alberto, que poría así o 0-2. Parecía que o partido estaba xa cerrado, pero nada máis lonxe da realidade. No minuto 39 un xogador do Cazás lanza un balón dende a frontal do área de Adrián, que colle a este un pouco adiantado, e coase na portería do Mondoñedo, sendo así o 1-2; un minutos despois unha perda de balón no medio campo, propiciou unha nova ocasión para o Cazás, desta vez sen o premio do gol. O definitivo 1-3 chegaría tamén nesta 1ª parte, de novo Manuel, no minuto 44 batía por baixo ao meta local e poñía no taboleiro o que a postre sería o marcador definitivo.

O segundo tempo foi case un trámite. No minuto 8 o Caás despuxo dunha nova ocasión a balón parado, falta directa ben executada que obtivo a resposta de Adrián. No minuto 22 foi Jacobo, para o Mondoñedo, o que fixo tremer o pao da portería do Cazás e xa no minuto 41 Carro lanzaría unha falta que se marchou rozando o pao da portería local. Así neste período o marcador non se moveu.

Con esta nova victoria o Mondoñedo mantense líder con 53 puntos, tres por riba do Pol (un partido menos) que segue segundo con 50 completando así os postos de acceso directos. Nas plazas de Play Off están o Abadín (un partido menos), 4º con 46 puntos, 5º é o San Román (un partido menos) tamén con 46 puntos, 5º queda o Celta Barreiros con 42 puntos e cerra as plazas de Play Off, 6º o Ourol (un partido menos) con 41 puntos.

A próxima xornada o Mondoñedo recibirá a visita do San Antonio, despois desfrutará da súa xornada de descanso antes de encarar os últimos partidos de Liga.

Datos:

Aliñación: Adrián – Rosendo – Miguel – Carro – Juan – Campovello – Dani – Ramallal – Jacobo – Alberto e Manuel

Trocos: Portela por Juan (min 12 2ª parte), Jesús por Manuel (min 30 2ª parte) e Fabián por Alberto (min 35 2ª parte)

Campo: Catro Ventos. Brando e irregular. Escasa presenza de aficcionados

©Andrés_García ©Marcos_Candia

A Previa: SD Cazás – Mondoñedo FC

Importante partido o que terá este domingo o Mondoñedo na súa visita a Terra Cha. En fronte esterá o Cazás, colista do grupo con 11 puntos. Partido clave nas aspiracións polo ascenso directo do Mondoñedo que non pode fallar, e máis nunha xornada que se presenta con dous duelos directos entre equipos da zona alta da táboa.

SD Cazás – Mondoñedo FC

Domingo 10 de marzo as 16:30 h

Árbitro: D. Jesús Adán Gallego

Campo: Catro Ventos en Cazás. (Se queres animar o Mondoñedo fai click aquí para saber como chegar)

Logo da victoria na pasada xornada do Mondoñedo FC fronte o Abadín por 1-0, nun interesantísimo partido, nesta xornada os mindonienses renden visita ao colista da táboa a SD Cazás. Un partido que se presenta vital, no que non se pode fallar, para facer boa a victoria fronte o Abadín. Ademáis nesta xornada terán lugar dous partidos entre rivais directos do Mondoñedo na loita polo ascenso, por un lado maña sábado no Cascabeiro xogarase o Barreiros – Pol, e o domingo, compartindo horario co partido do Mondoñedo, xogarán no municipal de Abadín, o equipo local fronte o San Román. De gañar o seu duelo o Mondoñedo, e sexa cal sexa os resultados dos outros partidos, terá dado un importante paso cara a meta final do ascenso.

En canto o rival, e coma sempre, mostrámosvos unha gráfica comparando os seus partidos como local e visitante na que se pode ver as súas victorias, empates e derrotas.

Trala desputa de 21 partidos o Cazás marcha no posto 15º da Liga, colista, con 11 puntos, tras 3 victorias (todas como local), 2 empates e 16 derrotas. Marcou 27 goles e encaixou un total de 59 a cifra máis alta da categoría. No partido da primeira volta entre ambos equipos, no Viñas da Veiga, o resultado final fora de 6-0, sendo así a maior derrota sufrida polo Cazás no que vai de tempada.

Analizamos máis polo miúdo os datos do Cazás como local. No seu feudo conseguiu as tres victorias que ten na clasificación, e foron fronte o San Antonio (2-0), SD Goiriz (2-1) e Folgueiro (5-3). No seu campo non sumou ningún empate e o resto dos partidos (7) foron derrotas fronte: Momán (1-4), Barreiros (2-3), Roupar (1-2), San Román (2-3), SD Ourol (0-2), Galdo (2-3), Abadín (1-2). Destas derrotas na súa cancha cabe destacar os partidos cos equipos da zona alta, como se observa, excepto o Ourol (0-2), todos gañaron pola mínima, Abadín 1-2, e Barreiros e San Román por 2-3 ambos. Agarda pois ao Mondoñedo un difícil partido, nun campo, quizais o máis pequeno da categoría e ante un rival que nada ten que perder.

Falamos como en todas as xornadas, co míster do Mondoñedo, Hermelino. O preparador mindoniense fálamos da “obriga de gañar este partido para facer bos os tres puntos colleitados diante do Abadín. Visitamos Cazás con ánimos renovados e coa intención, ainda recoñecendo as dificultades que entraña o partido e con todolos respectos para o rival, de acadar un resultado positivo. O equipo está motivado e concienciado da importancia destes últimos encontros e saben que teñen que dar un “plus” máis”.

Do mesmo xeito Hermelino facilitounos a lista de xogadores que viaxan a Cazás, na que non están Genito, Lucas e Felipe por motivos persoais. Deste xeito, Hermelino leva un total de 17 futbolistas, dado que algún esta con molestias, a espera de descartar a un, para a convocatoria final de 16 xogadores.

Adrián – Álvaro – Pepe – Miguel – Ramallal – Jesús – Carro – Jacobo – Portela – Alberto – Manuel – Fabián – Juan – Rosendo – Dani – Campovello e Noly

©Marcos_Candia

O Mondoñedo gaña un intenso partido fronte o Abadín

Gran tarde de fútbol a vivida hoxe no Viñas da Veiga. Diante de algo máis dun cento de espectadores Mondoñedo e Abadín ofreceron un bo partido de fútbol que se decidiu no minuto 39 do 2º tempo con un gran gol de Manuel.

O Mondoñedo saiu mellor ao céspede do Viñas da Veiga e no minuto 4 dispuxo da primeira ocasión. Falta lanzada por Rosendo no costado dereito do ataque mindoniense e Jacobo que se atopa o balón no área pequena non consegue empuxala dentro da meta do Abadín. Pero logo do dominio inicial do cadro local o Abadín comezou a mellorar na súa presión e igualar as forzas do partido. No minuto 16 os visitantes visitaban o área local na que un gran Adrián sacaba dende o chan, cos pes, a primeira clara do Abadín. No resto deste 1º período o balón estivo moi dividido con dous grandes equipos sobre o campo, moi ben posicionados e coas defensas moi serias en ambos lados; o Mondoñedo chegaba máis a área visitantes pero as ocasións non eran o suficientemente claras como para marcar o primeiro do partido. Nos últimos compases da 1ª parte o Abadín dispuxo de tres lanzamentos de esquina consecutivos. No 1º Adrián sacou unha excelente man para mandar de novo o balón a esquina. No 2º, de novo o meta local, e desta vez coa súa faciana, sacaba outro balón claro. No 3º córner o remate foise alto sen perigo. Así remataba un vistoso primeiro tempo, no que ambos equipos querían adiantarse no marcador, con un Mondoñedo máis volcado ao ataque e o Abadín esperando as súas ocasións a contra ou a balón parado. 

O segundo tempo comezou con un susto para a parroquia local. No primeiro minuto saída a contra do Abadín e o remate final dun dos seus homes foi ben protexido por Miguel para que o balón chegara manso a Adrián. No minuto 6, Alberto de falta directa probaba o meta do Abadín que mandaba o balón a córner cando xa se coaba pola escadra da súa porta. Dominaba máis o Mondoñedo neste segundo tempo, con moita presión sobre os xogadores do Abadín que buscaban os balóns en largo. No minuto 9, Portela fai un excepcional remate que de novo o meta do Abadín manda a córner completando unha gran actuación. Pola súa parte a escadra visitante tería unha no minuto 19, tras un lanzamento de falta o balón pasease pola área pequena do Mondoñedo sen atopar rematador, sería esta a última ocasión clara para o Abadín, dende aquí ata o final o Mondoñedo puxo máis gañas e empuxe en busca da victoria. 

Animados tamén pola grada local os xogadores do Mondoñedo buscaban o gol sen descanso, ainda que tamén sen acerto nos pases finais. Pero o ansiado premio chegou no minuto 39. Balón a espalda da defensa do Abadín, Manuel, que entrara no minuto 15 deste segundo tempo, gaña a partida a dous zagueiros visitantes, e ante a saída do meta do Abadín, executa un disparo raso que se coa na portería, poñendo así en vantaxe ao Mondoñedo.

Dende aquí ata o final, o Ababín acusou este gol e non foi quen de crear perigo, pola súa parte o Mondoñedo aguantou ben o resultado e incluso se achegou a meta visitante pero sen claro perigo. 

O final 1-0, tras un gran partido de ambos equipos que demostraron porque están arriba na clasificación.

O Mondoñedo segue líder agora con 50 puntos. 2º é o Pol con 47, 3º o San Román con 46, 4º queda o Abadín con 43, 5º o Barreiros con 42 e cerra os postos de Play Off 6º o Ourol con 40 puntos. 

Na vindeira xornada os de Mondoñedo visitaran o Cazás, colista do grupo con 11 puntos, pero que de seguro poñerá as cousas difíciles aos pupilos de Hermelino.

Datos:

Aliñación: Adrián – Rosendo – Miguel – Pepe – Alberto – Carro – Campovello – Ramallal – Noly – Portela e Jacobo

Trocos: Manuel por Portela (min 15 2ª parte), Juan por Campovello (min 22 2ª parte) e Dani por Ramallal (min 28 2ª parte)

Campo: Viñas da Veiga. Céspede brando e con bastante déficit de herba. Nas gradas, máis de 100 persoas, que animaron sen cesar a ambos equipos.

©Marcos_Candia