Arquivos da etiqueta: A Previa

A previa: “Mondoñedo FC – CD San Román”

Volve a competición oficial para o Mondoñedo FC, logo de desfrutar a pasada semana, da súa xornada de descanso.

Nesta xornada, visitará o Viñas da Veiga, o San Román, actualmente 3º clasificado, vamos xa coa Previa do partido.

Mondoñedo FC – CD San Román

Domingo 25 de novembro as 16:15 h

Campo de fútbol: Viñas da Veiga, Mondoñedo

Colexiado: D. Pablo Polo Fernández

O Mondoñedo FC, volta a competición coa mente posta en conseguir unha nova victoria e seguir como único equipo invicto da provincia (2ª, 3ª, preferente e rexionais); en fronte o San Román, 3º clasificado e duro rival, do que, a continuación vos mostramos a estadística de resultados do que vai de liga.

O equipo de Vilastrofe, Cervo, chega a Mondoñedo na 3ª posición da táboa clasificatoria, con 23 puntos, os mesmos que o Abadín 2º, pero con un partido máis, na vindeira semana, o San Román descansará.

Os 23 puntos do San Román, repártense en 7 victorias e 2 empates, pola contra sufrio tamén 2 derrotas. As súas victorias foron como local fronte o Pol por 2-1, o Codesido por 3-1, o Folgueiro por 6-0 e na última xornada fronte ao San Antonio por 5-0. Destas victorias como local do San Román, podemos destacar as colleitadas fronte o Pol 4º da liga e o Codesido, actualmente 6º. Como visitante conqueriu as seguintes victorias: no campo do Momán por 1-2, en Roupar por 0-1 e en Cazás, na cancha do colista por un axustado 2-3. Os dous empates que locen as súas estatísticas foron fronte o Goiriz como visitante e fronte o Celta Barreiros tamén como visitante, ambos por 0-0. E por último as súas duas derrotas foron ambas no seu campo, fronte o NR Galdo por 1-2 e fronte o 2º clasificado o Abadín, por 2-3, nun partido moi axustado no que o San Román mereceu máis ao final.

Deberá ter coidado o Mondoñedo co seu vindeiro rival, un San Román con xogadores moi veloces, e cun gran xogo por alto a balón parado. Ademáis o equipo de Vilastrofe ven coa necesidade de puntuar ao Viñas da Veiga, para non perder o tren de cabeza, xa que recordamos, que na vindeira xornada descansarán.

Pola súa parte o Mondoñedo FC, chega a este partido logo de desfrutar dunha semana de descanso. Falamos con Hermelino, que como xa comentabamos, avisounos do perigo do rival deste domingo, “O San Román é un equipo moi bo, tal e como demostra a súa actual clasificación; táctica e físicamente a par de moi fortes e veloces arriba. Para gañarlles debemos estar ao 120×100”.

O míster mindoniense tamén nos facilitou a convocatoria para este partido, da cal se cae por lesión Fabián e por decisión técnica: Lucas, Juan e Daniel; co cal os xogadores convocados son:

Adrián – Rosendo – Álvaro – Pepe – Miguel – Felipe – Noly – Carro – Ramallal – Alberto – Jacobo – Jesús – Campovello – Portela – Manuel e Genito.

Ademáis como xa sabedes en “Cultura e Ocio” temos aberta unha enquisa, para saber a vosa opinión sobre se o Mondoñedo FC manterá o seu bo ritmo de puntos e logrará o ascenso final.


©Marcos Candia

A previa: “SDC S. Antonio – Mondoñedo FC”

O líder visita a capital lucense, para medirse a SDC San Antonio, último partido antes da xornada de descanso para os mindonienses.

SDC San Antonio – Mondoñedo FC

Sábado 10 de novembro as 20:00 h

Campo de fútbol: Luis López Gorgoso, Lugo (se queres chegar ata este campo podes ver a súa ubicación facendo click aquí)

Árbitro: D. José Yáñez García

Os xogadores mindonienses afrontan o seu décimo partido desta liga, co honor de ser o único equipo da provincia de Lugo que se mantén invicto (2ª Div, 3ª div, pref e rexionais), e sabendo ademáis que a vindeira semana desfrutarán da súa xornada de descanso.

Por este último motivo é importante para o Mondoñedo conseguir os tres puntos na súa visita as terras da cidade amurallada, bueno mellor dito tapete artificial, xa que o campo no que se xogará este partido ten superficie deste tipo, o que para o preparador do Mondoñedo, Hermelino, é un claro contratempo, ante o cal os xogadores do Viñas da Veiga deberán adaptarse de forma rápida a nova superficie e os seus condicionantes para o trato do balón. Como xa decíamos, ademáis, a próxima semana o Mondoñedo descansa, e sería un aliciente máis que evidente chegar a ese parón conquerindo puntos en todos os partidos e seguindo así coa hexemonía de equipo invicto.

Falamos un pouco do rival mindoniense, a SDC San Antonio de Lugo. Un equipo que actualmente se atopa na parte baixa da táboa clasificatoria, con 5 puntos, tras estas 9 xornadas, cos seguintes resultados: 1 victoria (na cancha do Roupar por 1-3), 2 empates (fronte o Momán e o Celta Barreiros ambos a domicilio), 5 derrotas (fronte o Codesido por 1-3, o NR Galdo por 0-2, a UD Folgueiro por 2-3, o Abadín por 1-3 e o Cazás colista da liga por 2-0) e 1 xornada de descanso, precisamente a pasada, co cal chegan a este partido máis frescos que os xogadores mindonienses. Destos datos podemos destacar que a SDC San Antonio non foi capaz de salvar ningún punto no seu propio campo, conseguindo os 5 que ten nas súas visitas a Momán, Barreiros e Roupar.

Falamos tamén, como todas as semanas co preparador mindoniense, Hermelino. O míster ve un condicionante importante o céspede do Luis López Gorgoso, que conta con tapete artificial, pero non o considera escusa, cree que os seus xogadores se adaptaran a nova superficie. Tanto Hermelino, como todos os xogadores mindonienses agardan puntuar en Lugo, e chegar así a súa xornada de descanso invictos.

En canto a convocatoria, Hermelino non contará por decisión técnica con Manuel. Felipe enfermo e Fabián lesioanado nos entrenos son as outras baixas. Deste xeito os xogadores que viaxan a Lugo son os seguintes:

Adrián – Miguel – Campovello – Pepe – Ramallal – Rosendo – Genito – Portela – Jacobo – Noly – Carro – Jesús – Alberto – Lucas – Álvaro e Juan

©Marcos Candia

A Previa: “Mondoñedo FC – SD Cazás”

Novo partido para o Mondoñedo, desta volta, visita o Viñas da Veiga a SD Cazás colista do grupo 11 da 3ª rexional galega con 3 puntos.

Mondoñedo FC – SD Cazás

Domingo 4 de novembro as 16:15 h

Campo de fútbol: Viñas da Veiga, Mondoñedo

Árbitro: D. Adrián Álvarez Ignacio

O Mondoñedo volve a casa e con todos os honores, logo de gañar na pasada xornada fronte o Abadín e aumentar así a súa vantaxe ao fronte da clasificación. Ademáis, os mindonienses, coa súa victoria no municipal de Abadín, conseguiron romper a imbativilidade destes. Xa quedan poucos equipos invictos a estas alturas de competeción, de feito na provincia de Lugo e tendo en conta a 2ª división, a preferente norte, a 1ª, 2ª e 3ª rexionais, atopamos que so o Mondoñedo, o Castro (1ª aut. grupo 3) e o Sagrado Corazón (2ª aut. grupo 8 ) son capazas de seguir sumando xornada tras xornada e de non perder, polo momento, ningún partido.

En canto ao partido desta fin de semana, chega ao campo do Mondoñedo un equipo que a priori pode parecer asequible, a SD Cazás, que trala desputa de 8 xornadas, aparece último na táboa clasificatoria con 3 puntos, os cales conseguiu no seu último partido, tras gañar a SDC S. Antonio (penúltimo da liga) por 2-0. Ademáis o Cazás, ten un partido aprazado, o seu duelo da 1ª xornada fronte o SD Momán que se xogará o día 9 de decembro, e tamén, desfrutou xa da súa xornada de descanso desta 1ª volta. Levan un total de 6 goles a favor por 18 en contra, cos seguintes resultados: NR Galdo 4-0 Cazás, Cazás 2-3 Celta Barreiros, Folgueiro 4-1 Cazás, Cazás 1-2 Roupar, Abadín 5-0 Cazás e o xa comentado 2-0 co San Antonio. Ainda que como xa comentamos, poda parecer un partido asequible non deben fiarse os mindonienses do potencial do Cazás, que de seguro vira ao Viñas da Veiga a por todas e con gañas de levarse os tres puntos.

Pola súa parte o Mondoñedo chega a este partido coa moral polas nubes logo de gañar por 3-4 na casa do Abadín, o outro equipo que quedaba invicto nestre grupo de 3ª Rexional. Así o Mondoñedo afianzouse na 1ª praza con 20 puntos, deixando o segundo posto a 3 puntos de distancia (San Román 17 puntos) e relegando ao Abadín a 3ª posición con 16 puntos.

Durante a semana o equipo mindoniense entrenou con normalidade contando coa volta ao traballo de Fabián, recuperado xa da lesión que arrastraba dende o partido contra o Folgueiro. Ademáis destacar tamén a incorporación ao equipo de Mondoñedo de Daniel Neira, procedente dos xuvenís do Lourenzá, que se une así a disciplina de Hermelino. Na parte das baixas, o Mondoñedo non pode contar con Álvaro por enfermidade, Alberto sancionado trala súa vermella en Abadín e tampouco con Juan por motivos persoais.

Deste xeito a convocatoria mindoniense queda formada polos seguintes xogadores:

Adrián – Rosendo – Fabián – Pepe – Miguel – Genito – Carro – Felipe – Noly – Jesús – Campovello – Lucas – Ramallal – Manuel – Portela e Jacobo

©Marcos Candia

A Previa: “Abadín CF – Mondoñedo FC”

Esta fin de semana o Mondoñedo ten un duelo nas alturas.

O equipo da cidade mindoniense, rinde visita ao Abadín, xuntanse así no campo de fútbol municipal do veciño concello, os dous equipos que ainda permanecen invictos na 3ª rexinal grupo 11.

Abadín CF – Mondoñedo FC

Domingo 28 de outubro as 16:30 h (Podedes seguir en DIRECTO este partido facendo click aquí)

Campo de fútbol: Municipal de Abadín (se vos queredes acercar a este estadio tendes toda a información de como chegar facendo click aquí).

Colexiado: D. Fernando Díaz Martínez

Espérase un partido por todo o alto, nun campo que claramente condicionará o xogo dos mindonienses, dadas as súas pequenas dimensións.

Mondoñedo líder con 17 puntos, colleitados tras 7 xornadas con 5 victorias e 2 empates, por un lado, e en contra actuando como local o Abadín con 16 puntos, colleitados tras 7 xornadas, con 5 victorias, 1 empate e 1 xornada de descanso, un descando que o Mondoñedo ainda debe desfrutar, co cal, se cabe, este partido ainda se fai máis importante. ¿Alguén pensa que lle faltan alicientes para ser un gran choque? ¿Seguirán invictos os dous equipos a partires desta xornada firmando un empate? ¿Caerá a balanza dalgún dos lados? O domingo sairemos de dúbidas, pero antes, un pouco de información sobre o día a día dos equipos.

O Abadín, como xa decíamos, chega a este partido tras sete xornada con 16 puntos, a un do Mondoñedo. Xogou e gañou fronte o Celta Barreiros (1-0), UD Folgueiro (2-1), SDC Roupar (1-2), SD Cazás (5-0) e SDC S. Antonio (1-3); deixou os seus únicos puntos do que vai de campeonato cun empate na 1ª xornada no seu propio feudo ante o NR De Galdo por 3 a 3. Das súas victorias vemos 3 como local, 2 delas contra equipos cos que o Mondoñedo FC empatou (Celta Barreiros e Folgueiro) e a outra fronte o colista da liga o Cazás. Das súas victorias a domicilio destacaremos o partido fronte ao SDC Roupar onde o Abadín sufriu para sacar os tres puntos (fronte o Roupar o Mondoñedo ven de gañar no Viñas da Veiga por 4-1).

Seguir lendo A Previa: “Abadín CF – Mondoñedo FC”

A Previa: “Mondoñedo FC – SDC Roupar”

Hoxe sábado nova oportunidade para os homes de Hermelino de sumar os tres puntos en liza.

Mondoñedo FC – SDC Roupar

Sábado 19 as 16:30 h

Estadio Viñas da Veiga Mondoñedo

Visita Mondoñedo a SDC Roupar, actualmente 8º clasificado con 7 puntos, xusto a metade que o Mondoñedo que segue instalado na 1ª posición con 14 puntos.

O Roupar chega nesta 7ª xornada logo de 2 victorias (1-0 fronte ao Celta Barreiros e 1-2 na súa visita ao colista Cazás), 2 derrotas (na seu feudo fronte ao forte Abadín por 0-2 e tamén na súa casa contra o S. Antonio por 1-3), un empate (fronte ao Folgueiro por 1-1 tamén como locais) e unha xornada de descanso.

Falamos con Hermelino acerca do rival e coméntanos que ve o Roupar como un equipo moi bo, que sabe xogar e que o seu posto na clasificación non reflicte a realidade deste equipo. Sabedor o míster local de que os visitantes contan con 5 homes veteranos nas súas filas que lle dan o suficiente empaque como para telos moi en conta. Ademáis Hermelino contanos que é sabedor de que o Roupar perdeu algún partido sen merecemento para elo. Considerase este partido, como moi importante, ademáis de polo bo facer do rival, tamén para volver a sumar de tres en tres.

Seguir lendo A Previa: “Mondoñedo FC – SDC Roupar”