Arquivos da etiqueta: carnaval

Mondoñedo e Lourenzá, festexan o entroido

Achégase unha das datas máis festexadas na Mariña Lucense, o entroido, e as vilas de Mondoñedo e Lourenzá non serán excepción.

Na cidade episcopal o desfile de carnaval terá lugar o sábado día 13, polas principais rúas da cidade e como colofón na Praza da Catedral; onde o xurado determinará os premiados, que nesta ocasión, optan a preto de 5.000 € en premios repartidos en varias categorías.

Entroido Mondoñedo

Premios Mondoñedo

Pola súa parte a ACIA de Lourenzá organiza o desfile laurentino, para o domingo día 14 de febreiro; un desfile que este ano reparte tamén, preto de 5.000 € entre os seusparticipantes.

Domingo piñata Lourenzá

Bases Lourenzá

Dúas citas que debes marcar no teu almanaque, para non perderte.

Marcos Candia – Cultura e Ocio © 2.016

Entroido mindoniense 2.015

Estamos en época de orellas e filloas, época de Entroido, e como non Mondoñedo, celebrará un ano máis o seu particular desfile, que será o vindeiro sábado día 21, a partires das 17:00 h, con saída, como de costume dende o Campo dos Paxariños, e remate na Praza da Catedral; a entrega final de premios será as 21:30 h na Praza do Concello.image-0001 (1)

Unha Praza do Concello onde haberá animación musical para a citada entrega de premios nas categorías de adultos e infantís. image-0002

Marcos Candia – Cultura e Ocio © 2.015

Álbume fotográfico: Entroido 2.014 Lourenzá

Se onte foi Mondoñedo co seu desfile de carnaval, no que aquí vos ofrecemos unha galería de imaxes, hoxe foi o turno de Lourenzá, que ofreceu a propios e visitantes un espectacular desfile con moito público e moitos disfraces, que acompañados dunha gran tarde de sol fixeron que este desfile se poida catalogar de excepcional.

Dende Cultura e Ocio, querémosvos ofrecer unha ampla galería, con máis de 80 imaxes do que foi este desfile en Lourenzá. Que podedes ver na seguinte presentación, ou facendo click aquí.

Marcos Candia – Cultura e Ocio © 2.014

Álbume fotográfico: Entroido 2.014 Mondoñedo

Un ano máis Mondoñedo vivíu o seu Desfile de Carnaval. Varios centos de participantes fixeron as delicias do numeroso público que se congregou en Mondoñedo, nunha soleada e calurosa tarde, para desfrutar da cor e maxia do Entroido. Un Entroido este de Mondoñedo que encheu a nosa Cidade de ledicia e humor. 

Este blog ofrécevos un pequeno reportaxe gráfico do que deparou o desfile. Que podedes ver na seguinte presentación, ou facendo click aquí

Marcos Candia – Cultura e Ocio © 2.014