Arquivos da etiqueta: Crónica futbolística

O Mondoñedo gaña un intenso partido fronte o Abadín

Gran tarde de fútbol a vivida hoxe no Viñas da Veiga. Diante de algo máis dun cento de espectadores Mondoñedo e Abadín ofreceron un bo partido de fútbol que se decidiu no minuto 39 do 2º tempo con un gran gol de Manuel.

O Mondoñedo saiu mellor ao céspede do Viñas da Veiga e no minuto 4 dispuxo da primeira ocasión. Falta lanzada por Rosendo no costado dereito do ataque mindoniense e Jacobo que se atopa o balón no área pequena non consegue empuxala dentro da meta do Abadín. Pero logo do dominio inicial do cadro local o Abadín comezou a mellorar na súa presión e igualar as forzas do partido. No minuto 16 os visitantes visitaban o área local na que un gran Adrián sacaba dende o chan, cos pes, a primeira clara do Abadín. No resto deste 1º período o balón estivo moi dividido con dous grandes equipos sobre o campo, moi ben posicionados e coas defensas moi serias en ambos lados; o Mondoñedo chegaba máis a área visitantes pero as ocasións non eran o suficientemente claras como para marcar o primeiro do partido. Nos últimos compases da 1ª parte o Abadín dispuxo de tres lanzamentos de esquina consecutivos. No 1º Adrián sacou unha excelente man para mandar de novo o balón a esquina. No 2º, de novo o meta local, e desta vez coa súa faciana, sacaba outro balón claro. No 3º córner o remate foise alto sen perigo. Así remataba un vistoso primeiro tempo, no que ambos equipos querían adiantarse no marcador, con un Mondoñedo máis volcado ao ataque e o Abadín esperando as súas ocasións a contra ou a balón parado. 

O segundo tempo comezou con un susto para a parroquia local. No primeiro minuto saída a contra do Abadín e o remate final dun dos seus homes foi ben protexido por Miguel para que o balón chegara manso a Adrián. No minuto 6, Alberto de falta directa probaba o meta do Abadín que mandaba o balón a córner cando xa se coaba pola escadra da súa porta. Dominaba máis o Mondoñedo neste segundo tempo, con moita presión sobre os xogadores do Abadín que buscaban os balóns en largo. No minuto 9, Portela fai un excepcional remate que de novo o meta do Abadín manda a córner completando unha gran actuación. Pola súa parte a escadra visitante tería unha no minuto 19, tras un lanzamento de falta o balón pasease pola área pequena do Mondoñedo sen atopar rematador, sería esta a última ocasión clara para o Abadín, dende aquí ata o final o Mondoñedo puxo máis gañas e empuxe en busca da victoria. 

Animados tamén pola grada local os xogadores do Mondoñedo buscaban o gol sen descanso, ainda que tamén sen acerto nos pases finais. Pero o ansiado premio chegou no minuto 39. Balón a espalda da defensa do Abadín, Manuel, que entrara no minuto 15 deste segundo tempo, gaña a partida a dous zagueiros visitantes, e ante a saída do meta do Abadín, executa un disparo raso que se coa na portería, poñendo así en vantaxe ao Mondoñedo.

Dende aquí ata o final, o Ababín acusou este gol e non foi quen de crear perigo, pola súa parte o Mondoñedo aguantou ben o resultado e incluso se achegou a meta visitante pero sen claro perigo. 

O final 1-0, tras un gran partido de ambos equipos que demostraron porque están arriba na clasificación.

O Mondoñedo segue líder agora con 50 puntos. 2º é o Pol con 47, 3º o San Román con 46, 4º queda o Abadín con 43, 5º o Barreiros con 42 e cerra os postos de Play Off 6º o Ourol con 40 puntos. 

Na vindeira xornada os de Mondoñedo visitaran o Cazás, colista do grupo con 11 puntos, pero que de seguro poñerá as cousas difíciles aos pupilos de Hermelino.

Datos:

Aliñación: Adrián – Rosendo – Miguel – Pepe – Alberto – Carro – Campovello – Ramallal – Noly – Portela e Jacobo

Trocos: Manuel por Portela (min 15 2ª parte), Juan por Campovello (min 22 2ª parte) e Dani por Ramallal (min 28 2ª parte)

Campo: Viñas da Veiga. Céspede brando e con bastante déficit de herba. Nas gradas, máis de 100 persoas, que animaron sen cesar a ambos equipos.

©Marcos_Candia

O Mondoñedo suma 3 necesarios puntos

Tras dúas xornadas sen gañar, hoxe o Mondoñedo voulveu a colleitar os tres puntos. 2-0 fronte o Folgueiro, non foi o mellor partido do Mondoñedo, nin por asomo, pero os tres puntos suman ao casilleiro do líder.

Tarde expléndida de fútbol nun Viñas da Veiga case baldeiro polo desfile de carnaval. Comezou o partido cunha ocasión no min 1 para Alberto, tras un gran pase a espalda da defensa de Noly, pero o remate do rápido xogador mindoniense foise fora. Esta xogada foi un espellismo, pois na maior parte deste período o Folgueiro tivo cerrado ao Mondoñedo na súa parcela de campo, contando con varios saques de esquina ao seu favor.
A segunda para o Mondoñedo chegou no min 16, foi Ramallal o que puxo un bo centro que atopou o remate de Alberto, novamente respostado polo meta visitante, na seguinte foi Jacobo un bo centro a reviravolta dende a liña de fondo, pero non atopou rematador.

A partir de aquí o encontro volveu a abrirse e calquera equipo podía marcar o primeiro tanto, gol que apiques estivo de chegar no min 26 de non ser por unha gran intervención de Adrián. No último cuarto de hora o Folgueiro seguiu dispoñendo de balóns adiante e faltas ao seu favor, pola súa parte o Mondoñedo tería outra boa de Ramallal no 38 que tras salvar o porteiro ve como o seu lanzamento é rexeitado por un defensa visitante.

No último minuto deste tempo Alberto lanzou unha gran contra, cando quedaba so diante do porteiro un defensa agarrouno da camisola, o colexiado non o dubidou e deixou o Folgueiro con 10 h. O lanzamento da falta saldouse sen consecuencias. Así chegábase ao descanso co 0-0 inicial, o Folgueiro con 10 homes e un marcador que puido cambiar neste período para calquera equipo.

A segunda parte non puido empezar de mellor forma para o Mondoñedo. Novamente no primeiro minuto ocasión para os de Hermelino, pero desta vez chegou o gol!. Jacobo colleu un balón rexeitado na fronta do área e marcou un expléndido golazo por toda a escadra, que significou o 1-0 no marcador. A resposta do Folgueiro chegou no minuto 6, foi de novo a balón parado, saque de esquina e remate final por riba da meta ben defendida por Adrián. No 10, nova chegada local, co remate de Alberto no área pequena que atopou a gran intervención do porteiro visitante, tan so 6 minutos despois de novo o Folgueiro, e unha vez máis a balón parado, lanzamento de falta que tras un remate marchou fora por ben pouco.

No minuto 20 deste período, Pepe, central do Mondoñedo, veu a segunda cartulina amarela, e a conseguinte expulsión, o partido de novo quedaba igualado no número de xogadores. Tan so 2 minutos despois, nunha boa contra o Folgueiro tivo de novo unha ocasión para marcar, pero unha vez máis o remate final foise por riba da porta local.

Así fomos chegando os últimos 15 minutos de partido onde o Mondoñedo tivo varias ocasións. A primeira no minuto 30, de Jacobo, que tras unha forte presión ao porteiro veu como o lanzamento desta rebotava nel e se ia fora por ben pouco. Tres minutos despois era Dani o que presionaba e recuperaba un balón na banda, o seu centro atopou a Noly no borde do área pequena, o seu remate foise ao longueiro. No minuto 36 de novo Jacobo dentro do área deixa un balón atrás para o lanzamento de Lucas que se foi alto.

O segundo gol do Mondoñedo, chegou no minuto 40, gran xogada de Dani, que tras presionar a defensa visitante, aproveitou a indeción desta para marcar un auténtico golazo de vaselina e poñer así o definitivo 2-0. Foi o 1º gol de Dani coa camisola do Mondoñedo FC.

Tras esta nova victoria o Mondoñedo segue líder con 46 puntos. 2º é o Abadín con 40, 3º o Barreiros con 39 a falta de xogar o seu partido de mañá, igual que o Pol, 4º con 38 puntos, e o San Román 5º con 37 puntos, cerra o Play Off o Ourol 6º con 36 puntos e tamén a espera do seu partido de mañá.

Datos:

Aliñación: Adrián – Fabián – Miguel – Pepe – Genito – Carro – Felipe – Noly – Ramallal – Alberto e Jacobo

Trocos: Lucas por Genito (min 24 2ª parte), Dani por Ramallal (min 26 2ª parte) Jesús por Jacobo (min 43 2ª parte) e Juan por Felipe (min 43 2ª parte)

Campo: Viñas da Veiga. Bastante brando. Escasa presenza de aficcionados

©Marcos_Candia

O C. Barreiros impón o seu fútbol diante do Mondoñedo

O campo de fútbol do Cascabeiro foi testigo dun interesante partido, o desputado nesta fría e chuviosa tarde entre o Celta Barreiros e o Mondoñedo, o final o equipo local impuxo o seu fútbol para gañar aos mindonienses por 2-0.

O partido comezou cun Barreiros mellor plantado sobre o campo e dominando con claridade durante os dez minutos iniciais, onde incluso tivo unha clarísima ocasión para poñerse por diante no marcador.

A partir destes primeiros compases de presión local o Mondoñedo foi saíndo da cova e tentando achegarse a meta local defendida polo ex mindoniense Roberto. Foi Manuel pola súa banda o que conseguiu levar o perigo pero sen acerto nos metros finais. Despois destes minutos de mellor xogo visitante, chegou o gol do Barreiros, corría o min 34. Córner a favor do Barreiros, un xogador prolonga o balón no área pequena e outro home do Barreiros consegue enganchar un grandísimo remate que se coa por toda a escadra da meta de Adrián.

Nos seguintes minutos o Mondoñedo, con máis corazón que cabeza, tentou buscar a igualada antes do descanso, e tivoa nun saque de banda de Jacobo para Manuel que en xogada persoal chegou ata o área pequena pero alí atopóuse co meta Roberto. Así chegaríamos ao descanso co coñecido 1-0.

No segundo tempo o partido comezou con un mellor Mondoñedo, que tentaba dominar o balón e xogar o seu fútbol, pero as ocasións non chegaron e pouco a pouco o xogo estaba centrado no medio campo. Así no minuto 17 o Barreiros recupera un balón en banda e gaña a batalla a defensa local conseguindo así o definitivo 2-0 no marcador.

Dende aquí e ata o final do partido os de Hermelino intentárono de tódolos xeitos, buscando un gol que os metera de novo no encontro, a máis clara para Portela, tras a única xogada combinada do Mondoñedo no día de hoxe, pero o seu disparo final foi a rentes do pao.

2-0 e merecida victoria do Celta Barreiros que impuxo o seu bo fútbol ao Mondoñedo. Un Mondoñedo que hoxe non estivo fino, nin foi capaz de desenrolar o bo xogo que acostuma con moitas imprecisións nos pases e abuso do balón en longo en varias fases do partido.

Así con este marcador o Mondoñedo fecha esta xornada como líder con 43 puntos. 2º ponse agora o Celta Barreiros con 39 puntos. Nos postos de Play Off quedan o Pol 3º con 38 puntos, o Abadín 4º con 37 e que nesta xornada descansou, o San Román 5º tamén con 37 puntos e fecha o Play Off o Ourol con 36 puntos.

Datos:

Aliñación: Adrián – Álvaro – Rosendo – Miguel – Genito – Carro – Felipe – Noly – Ramallal – Manuel e Jacobo

Trocos: Portela por Manuel (min 14 2ª parte)

Céspede: O Cascabeiro. Boa entrada. Campo en bo estado ao comezo do partido, pero que acabou por zonas con bastante barro froito da chuvia

©Marcos_Candia

O Mondoñedo non pasa do empate diante do Galdo

Mondoñedo e Galdo empataron hoxe a uns no Viñas da Veiga, tras un intenso partido onde, sobre todo o final, puideron marcarse máis goles.

Comezou o partido sen un dominador claro, non foi ata o minunto 16 cando chegou o primeiro tiro a porta do partido, foi Ramallal, tras un bo centro de Manuel, o que obtivo a resposta do meta visitante. No 22 era Manuel o que probaba sorte pero o seu lanzamento saía fora por pouco, e no minuto seguinte de novo un incisivo Manuel tiraba a porta pero sen fortuna. Pouco despois no 24, Ramallal poñía un bo centro que Portela remataba ao lateral da rede, era a máis clara ata o momento. Despois destes minutos o xogo voltou a tranquilizarse e ningún equipo era capaz de crear xogadas claras de perigo.

Ao final deste primeiro tempo, no minuto 40 Portela dispuña dunha boa ocasión, cun gran disparo que o porteiro do Galdo respostaba acertadamente. Este primeiro tempo, fechábase cun potente lanzamento de falta do Galdo, que Adrián, mandaba a córner. Os xogadores marchaban a vestiarios co 0-0 inicial.

A segunda parte comezou cun Mondoñedo volcado sobre a meta do Galdo. No primeiro minuto Alberto poñía un precioso centro ao segundo pao e entre Portela e Jacobo non acertaron a marcar o primeiro. Un primeiro tanto que pouco tardou en chegar, no minuto 5 Ramallal colle un balón dividido no área visitante e a media volta marca un gran gol axustado a base do pao, así chegaba o 1-0.

Logo do gol o Mondoñedo seguiu tendo o dominio do balón e intentando crear ocasións, ainda que sen excesiva claridade. No minuto 17 Manuel intentábao cun lanzamento dende a frontal do área, o rexeite do meta do Galdo foi para Jacobo que non acertou a marcar. Pero na primeira xogada de ataque do Galdo na segunda parte, no minuto 19, chegaba o empate. Despiste da defensa local, e un home dos viveirenses remataba na área pequena completamente so poñendo así o 1-1 no marcador.

Despois deste gol cambiaron as cousas sobre o céspede do Viñas da Veiga, xa que durante uns minutos o Mondoñedo acusou este empate, e incluso no 23 o Galdo tería unha clara ocasión para adiantarse no marcador, tras unha recuperación de balón no medio campo, pero o lanzamento final do ariete de Galdo foise por enriba da meta de Adrián. Logo destes minutos os locais voltaron a carga, varias foron as ocasións para marcar, lanzamentos dende a frontal, chegadas por banda, corners, pero o balón resistíase a entrar. Xa no minuto 30 de novo o Galdo. Lanzamento de falta dos visitantes, e o remate, na área pequena, foise fora por ben pouco. A esta ocasión visitante seguiulle unha boa de Jacobo, que remataba de cabeza atopando unha vez máis a resposta do meta visitante.

No minuto 38 tivo a última o Galdo, foi nun lanzamento de córner que a defensa do Mondoñedo sacou na mesma liña de gol. A partir de aquí os locais tentárono sen cesar. Primeiro Ramallal no 39, cun bo lanzamento dende a parte esquerda da área visitante, pero unha vez máis o porteiro do Galdo respostaba ben. No minuto 45 sería Jacobo o que remataría un córner e o balón foi atrapado polo porteiro do Galdo sobre a mesma liña de cal, un porteiro visitante que rendeu a gran nivel. Xa nos minutos de desconto o Mondoñedo non cesou no seu intento de marcar o segundo pero o bo traballo defensivo do Galdo e xa a falta de forzas fixeron que o marcador non se movera do empate.

Con este resultado os de Hermelino seguen líderes con 43 puntos tras 18 xornadas. Segundo é agora o Abadín con 37 puntos a 6 do Mondoñedo. Nos postos de Play Off están 3º o Celta Barreiros con 36 puntos, 4º o Ourol con 35, 5º o Pol tamén con 35 e completa o Play Off 6º o San Román con 34 puntos.

A próxima semana o Mondoñedo visitara o difícil campo do Celta Barreiros. Será un importante partido para os do Viñas da Veiga, de colleitar un resultado positivo achegaríase un pouco máis a obxetivo do ascenso.

Datos:

Aliñación: Adrián – Fabian – Miguel – Carro – Alberto – Felipe – Lucas – Ramallal – Manuel – Portela e Jacobo

Trocos: Rosendo por Fabian (min 19 2ª parte), Álvaro por Portela (min 23 2ª parte), Jesús por Manuel (min 30 2ª parte) e Juan por Lucas (min 32 2ª parte)

Campo: Viñas da Veiga. Sobre 40 espectadores. Céspede moi brando e con zonas con un alto déficit de herba

©Marcos_Candia

O Mondoñedo segue firme no liderato

Nova victoria do Mondoñedo. Tres puntos máis da escadra de Hermelino, o líder firme na loita polo ascenso.

Partido o de hoxe en Momán, claramente condicionado, unha vez máis, polo estado do céspede. Un campo de A Veiga con unha gran cantidade de auga e barro, unha superficie irregular e moi pesado, que fixo moi difícil a práctica do fútbol nesta tarde. 

Comezou o partido con un Mondoñedo moi ben prantado, xa dende o inicio intentando ter o balón e chegar a meta local. No minuto sete chegaría a primeira xogada dubidosa, Carro marcaba un gol que sería anulado por posición antirreglamentaria. Tan so dous minutos despois sería Manuel o que tería a súa ocasión, tras un bo pase do mesmo Carro, o balón acabou en córner. Despois destas dúas ocasións iniciais, e a pesar do dominio dos homes de Hermelino, non eran capaces de facer ocasións claras, a dificultade para xogar o balón e o pesado do campo non axudaban. 

Novo tirón do Mondoñedo, que dende o minuto 27 e ata o 34 desta 1ª parte asediou sin parar a portería do Momán. No 27 Manuel estrelaba un lanzamento dende a lateral do área no pao da meta local; no minuto seguinte era Jacobo o que remataba fora unha boa xogada individual. Pouco despois no 32, os homes do Mondoñedo protestaron un posible penalti sobre Portela. No 34, de novo sería Jacobo, que aproveitaba unha indesión da defensa local, esta cede o balón o porteiro e o despexe deste impacta en Jacobo que no rexeite, e dende o chan, mandou o balón lamendo o pao. E por fin, tras estas ocasións, chegaría o primeiro gol. Saque de esquina e remate no frontal do área pequena de Jacobo. Un Jacobo que mandaba o balón o pao e o rexeite do mesmo tras bater no meta local entraba na porta. Era o 0-1. 

O primeiro período remataría así, cunha victoria pola mínima do Mondoñedo, pero cunhas sensacións de que se podería ir ao descanso cunha renda maior no taboleiro. 

O segundo tempo, comezou parecido ao primeiro. No min 3, novamente gol anulado ao Mondoñedo, desta volta a Portela, e como na primeira parte por posición de fora de xogo. Pero este inicio foi so un espellismo, o Mondoñedo non estaba a xogar como no primeiro tempo; foron moitas as imprecisións e as perdas de balón no medio campo, conseguindo así o Momán, achegarse a meta de Adrián en varias ocasións, e incluso dispoñendo de varios saques de esquina nos que levaban perigo a meta do Mondoñedo. No minuto 20 chegarían duas ocasións case consecutivas para Manuel, na primeira mandou o balón fora e na segunda atopou a resposta do meta do Momán. Co paso dos minutos o Mondoñedo volveu a retomar o control do partido e o balón estaba case sempre no campo do Momán, pero non chegaban ocasións claras para cerrar o partido. 

Foi ao final cando chegou o gol definitivo. Pero antes, no minuto 44, Dani tería unha gran ocasión, o seu lanzamentou paseouse por diante da portería local e saiu rozando o pao. No minuto 47 co partido agonizando, Jesús, marcou o definitivo 2-0. Boa xogada persoal de Alberto que deixa o balón a Jesús, este cun tiro cruzado bate o meta local e cerra así o partido. 

Con este resultado o Mondoñedo afiánzase máis na 1ª praza con 42 puntos. Hoxe xogou tamén o Abadín, colleitando un empate a uns en Folgueiro. Con ese resultado o Abadín queda 3º con 34 puntos. 2º é o Pol, con 35 puntos e un partido menos, partido que deberá xogar maña fronte a SD Ourol 5ª clasificada con 29 puntos. Maña tamén será o turno para o Celta Barreiros, 4º clasificado con 30 puntos, enfronte estará o Cazás, último clasificado; fecha os postos de PlayOff o San Román, que terá tamén maña o seu turno fronte o Codesido.

Datos: 

Aliñación: Adrián – Álvaro – Rosendo – Miguel – Alberto – Carro – Felipe – Ramallal – Portela – Manuel e Jacobo

Trocos: Noly por Felipe (min 12 2ª parte), Dani e Jesús por Manuel e Portela (min 23 2ª parte) e Juan por Ramallal (min 31 2ª parte)

Campo: A veiga. Escasa presencia de aficcionados. Campo en moi mal estado, brando, con moita auga e barro, ademáis de irregular

@Candia_Marcos