Arquivos da etiqueta: Crónica futbolística

Mondoñedo FC, líder en solitario

Novo partido do Mondoñedo FC, nesta tempada, segunda xornada, e segunda victoria, seis puntos e moi boas sensacións.

Ainda é moi cedo para sacar conclusións, tan so se levan desputado dous partidos desta liga en 3ª rexional, pero non cabe duda que o Mondoñedo FC comezou con moi bo pé. Líder en solitario da liga tras dúas victorias, e unhas sensacións sobre o terreo de xogo cada vez mellores.

A víctima nesta segunda xornada foi o Codesido. Os homes de Hermelino visitaron a este complicado rival o domingo e voltaron cun claro 0-2 ao seu favor. Seguir lendo Mondoñedo FC, líder en solitario

Comezo da tempada para o Mondoñedo, FC

Hoxe domingo, comezou unha nova tempada para o equipo mindoniense, o Mondoñedo FC.

Os homes dirixidos por Hermelino, comezan unha nova andaina na 3ª rexional galega, e foi o Viñas da Veiga, campo municipal mindoniense, o que veu o estreo desta tempada. En fronte o Goiriz, equipo correoso e sempre difícil.

O partido rematou cos tres puntos no saco do Mondoñedo, logo do 3-2 final do marcador. Durante todo o encontro, o vento tivo un carácter protagista, xa que o conxunto que xogaba con el a favor tiña un punto extra. Así con este contratempo, chegou o primeiro gol visitante, o 0-1 no marcador sería obra do porteiro, sí do porteiro do Goiriz, que dende a súa propia área lanzou un disparo, que axudado polo vento se coou na portería mindoniense. Logo deste mal comezo, o Mondoñedo refíxose no marcador e logrou o empate a 1-1 no taboleiro, tras un remate de cabeza de Alberto; pero pouco durou a ledicia local do empate, xa que o Goiriz, nun rexeite dentro da área logrou de novo vantaxe, 1-2, este sería o marcador co que se chegaría ao descanso.

Xa na segunda metada, o Mondoñedo, tivo o vento do seu favor, e este foi un punto moi importante para o transcorrer dos minutos. Mediado este período o empate volveu ao marcador cun 2-2, de novo obra de Alberto. Con este resultado chegaríase ata o minuto 85 de partido, onde un erro en defensa do Goiriz, foi aproveitado polo mindoniense Jacobo, para poñer o 3-2 definitivo no marcador.

Deste xeito o Mondoñedo FC, empeza do mellor xeito posible a nova tempada, con tres puntos e unha boa imaxe diante dun difícil rival.

O próximo partido, será vindeira fin de semana, o Mondoñedo visitará a cancha do Codesido.


Agradecemento a “Diego García Carro” pola información facilitada

©Marcos Candia


Último partido de pretemporada do Mondoñedo FC

Hoxe mércores, púxose fin a pretemporada do Mondoñedo FC, cun novo partido no Viñas da Veiga, desta volta fronte ao Pastoricense, equipo de 1ª rexional e que a pasada tempada, rematou 4º a piques de lograr o ascenso a preferente.

Ainda que o resultado final foi de 0-2 favorable ao Pastoricense, a análise final do partido do Mondoñedo FC, que podemos facer, é positiva, de feito en verbas do seu adestrador Hermelino, debense correxir defectos puntuais, pero o global do encontro é favorable, debemos recordar neste punto, que o Mondoñedo actualmente é equipo de 3ª rexional, e competia contra un rival de maior categoría.

O partido transcorreu bastante tranquilo, con moito xogo no medio campo por parte de ambos equipos e sen ocasións demasiado claras. A 1ª parte rematou cun 0-1 no marcador, gol conseguido no minuto 40 de partido polo Pastoricense, logo dun saque de falta sobre o costado dereito da área mindoniense que foi rematado certeiramente de cabeza.

Xa na segunda parte o Mondoñedo foi de menos a máis, e comezou claramente dominando este período, pero quizais unha maior superioridade física do rival foi facendo mella nos xogadores locais. Nesta 2ª parte o xogador local Portela dispuxo dunha gran ocasión, pero o seu lanzamento dende o interior da área grande foi desviado pola defensa pastoricense e saiu lamendo o pau. Xa no minuto 85  os visitantes cerraron o partido cun novo gol, nesta ocasión ao non acertar a defensa mindoniense a sacar o balón da zona de perigo. Como se pode observar un gol foi a balón parado e o outro tras unha serie de erros en defensa, pero correxindo estos dous puntos o Mondoñedo foi un rival máis que digno de todo un 1ª rexional.

O saldo final da pretemporada mindoniense é o seguinte:

Mondoñedo 4-3 Muimenta // Mondoñedo 0-2 Meira // Mondoñedo 1-0 Catro Roldas // Pontenova 2-2 Mondoñedo // Mondoñedo 0-2 Pastoricense.

Un total de cinco encontros, todos eles contra equipos de superior categoría, duas victorias, un empate e duas derrotas, un saldo favorable tendo en conta o nivel dos rivais e tamén que o adestrador local Hermelino, fixo moitos cambios e probaturas, e tamén deu opción a xogadores das categorías inferiores do equipo.

En definitiva, agora comeza o serio, a competición, será, se non se producen cambios de última hora, o 1º fin de semana de setembro, cando o Mondoñedo FC comece unha nova andaina en 3ª rexional, e desde aquí, queremos desexarlle a mellor das sortes nesta nova tempada.

©Marcos Candia


Empate do Mondoñedo FC

Seguimos coa pretemporada do Mondoñedo FC, que non para na súa posta a punto de cara o inicio da competición en 3ª rexional.

Onte venres un novo amigable, primeiro como visitantes, desta volta fronte a Pontenova, novamente equipo de superior categoria (xogará en 2ª rexional) con empate a dous no marcador final.

Os goleadores desta volta foron Manuel Rodríguez culminando unha xogada de equipo e Diego Carro, o noso colaborador, que dende fora da área marcou cun certeiro disparo. En xeral bo partido do Mondoñedo que segue así a súa boa racha de pretemporada.

O próximo partido será de novo no Viñas da Veiga en Mondoñedo, e desta volta fronte o Pastoricense, de 1ª rexional, o próximo mércores as 21:00 h.


Agrademento a “Diego García Carro” pola información facilitada

©Marcos Candia


Victoria do Mondoñedo FC

Novo amistoso do Mondoñedo FC e volta a senda da victoria.

3º partido preparatorio deste pretemporada para o Mondoñedo FC e novamente no Viñas da Veiga; logo dunha victoria e unha derrota, destal volta tocou de novo saborear o triunfo.

O rival nesta ocasión foi a AD Catro Roldas, que a pasada tempada militou xunto co equipo mindoniense en 3ª rexional, pero tras acabar no primeiro posto ascendeu unha categoría, co cal este amistoso, segue a liña da pretemporada, na que todos os rivais do Mondoñedo FC, ata o momento, son de superior categoría.

Este encontro, que rematou co 1-0 para o equipo da nosa cidade, foi outra boa pedra de toque, na que os homes de Hermelino dominaron durante os 90 min, sen dar opcións ao rival. O gol mindoniense, foi obra de Manuel Rodríguez, logo dun centro medido de Diego Carro, cun tiro coa perna esquerda, sen deixar caer o balón, colocado a cepa do pao.

A nota negativa deste partido puxoa Noli, que se resentiu das molestias nos abductores, e tan so puido xogar 5 min.

Segue pois a preparación dos mindonienses de cara a nova tempada, na que lles desexamos toda a sorte do mundo.


Agradecemento a “Diego García Carro” pola información facilitada

©Marcos Candia