Arquivos da etiqueta: Desfile

Mondoñedo e Lourenzá, festexan o entroido

Achégase unha das datas máis festexadas na Mariña Lucense, o entroido, e as vilas de Mondoñedo e Lourenzá non serán excepción.

Na cidade episcopal o desfile de carnaval terá lugar o sábado día 13, polas principais rúas da cidade e como colofón na Praza da Catedral; onde o xurado determinará os premiados, que nesta ocasión, optan a preto de 5.000 € en premios repartidos en varias categorías.

Entroido Mondoñedo

Premios Mondoñedo

Pola súa parte a ACIA de Lourenzá organiza o desfile laurentino, para o domingo día 14 de febreiro; un desfile que este ano reparte tamén, preto de 5.000 € entre os seusparticipantes.

Domingo piñata Lourenzá

Bases Lourenzá

Dúas citas que debes marcar no teu almanaque, para non perderte.

Marcos Candia – Cultura e Ocio © 2.016

Entroido mindoniense 2.015

Estamos en época de orellas e filloas, época de Entroido, e como non Mondoñedo, celebrará un ano máis o seu particular desfile, que será o vindeiro sábado día 21, a partires das 17:00 h, con saída, como de costume dende o Campo dos Paxariños, e remate na Praza da Catedral; a entrega final de premios será as 21:30 h na Praza do Concello.image-0001 (1)

Unha Praza do Concello onde haberá animación musical para a citada entrega de premios nas categorías de adultos e infantís. image-0002

Marcos Candia – Cultura e Ocio © 2.015

Desfile de carnaval o día 16 en Mondoñedo

Un ano máis a cidade de Mondoñedo celebrará o seu xa habitual desfile de entroido. Este ano será o próximo sábado dia 16; pero antes, este mesmo sábado 9, terá lugar o desfile infantil de disfraces a partires das 16:30 h no pavillón municipal de deportes (organiza este evento a ANPA do CEIP Álvaro Cunqueiro Mora).

Pola súa parte, o desfile principal do entroido mindoniense como deciamos, será o día 16, partirá sobre as 17:00 h do Campo dos Paxariños, percorrendo as céntricas rúas mindonienses ata a súa chegada a Praza da Catedral; o desfile rematará na Praza do Concello. As 21:30 h o xurado fará entrega dos premios na mesma praza, e ademáis os asistentes poderán gozar da actuación do “Dúo Chechu y Salva (Diamantes)”. Tedes toda a información do evento e importe dos premios no cartel e díptico a continuación (podedes velos a maior tamaño facendo click neles). 

©Marcos_Candia