Arquivos da etiqueta: Estudos

Coñecendo a: Andrés García Doural

Nace unha nova sección en “Cultura e Ocio”, a sección “Entrevistas”.

Un espazo no que pretendemos dar a coñecer persoas que por un ou outro motivo destaquen nunha faceta en especial.

Ningunha presentación é mellor, que comezar coa primeira destas entrevistas, coa primeira “víctima”, hoxe Coñecemos a:

Andrés García Doural, nado en San Vicente de Trigás, Mondoñedo, no ano 1.958; Andrés deleitanos, día sí e día tamén, cun excelente traballo sobre a historia de Mondoñedo e as súas xentes; a través da ampla hemeroteca de Andrés, podemos atopar artigos sobre persoeiros do pasado de Mondoñedo, das festas da cidade, de lugares descoñecidos pola maioria, das revoltas de tempos Carlistas, do deporte de antano, e un longo etc. Paga a pena pois, e moito, coñecer un pouco máis a Andrés e a súa obra, que é, e será no futuro, un tesouro, que se debe conservar por sempre.

-Andrés, coñecemos a túa faceta de estudoso da historia de Mondoñedo e as súas xentes, pero dinos ¿Cómo comezaches con este valioso traballo?

Sempre foi algo que me gustou moito, ademáis durante a miña época de estudo realicei o Bacharelato de Letras, no cal un dos meus mentores era D. Francisco Mayán, unha persoa que nos involucraba moito no estudo da historia desta cidade; despois por motivos persoais tiven que marchar de Mondoñedo, e ao regresar  puiden ter acceso ao Arquivo Diocesano, o Arquivo Catredalicio e o Arquivo Municipal, e pouco a pouco o tema foi indo a máis e ata hoxe; o meu primeiro traballo foi indagar sobre a historia de dous apelidos o Nogueira do meu pai, e o Doural da miña nai, este traballo foi no ano 1.998.

-Aparte de todo o teu traballo en forma de libros, colaboracións con publicacións mindonienses, atopamos que no ano 2.009, comezas a túa andaina na rede, cun blog “Miscelánea Mindoniense“, ¿Cómo xurde esta idea?

A idea xurde dun bo amigo meu, Pepe de Noriega, el foi quen me preparou todo; un bo día chégame con un sobre, e nel, toda a documentación do blog, dime “veña a traballar”; e de ahí xurdiu todo esto. Gústame que quede constancia neste medio tamén de todo este traballo, das imaxes curiosas, sobre as que logo che preguntan donde é; ademáis gracias a este medio doume conta de moitas cousas sobre as que non se fixo nada ou están moi verdes.

-Navegando polo teu blog, atopamos uns versos inéditos de Álvaro Cunqueiro, ¿Qué nos podes decir deles?

Eses versos de Cunqueiro, nos que fala de Valiña de Freire, están escritos de puño e letra del mesmo, e están feitos sobre unha factura da farmacia que rexentaba a familia. Ata min chegou por casualidade, ia directo a basura no medio doutros papeis como recortes de  periódicos e incluso esquelas, e eu ao recoñecer a letra de Cunqueiro,  gardeino, está en moi bo uso, por un lado a factura da farmacia e polo outro os versos.

-Tamen vemos no teu blog unha sección adicada ao “Mondoñedo F.C.”, ¿Eres pois, un apaixoado deste deporte?

Este temá débese a que eu xoguei ao fútbol aquí en Mondoñedo, tres anos, un en xuvenís e dous en afeccionados; despois por motivos laborais desplaceime a Astorga e alí xoguei ao fútbol sala. Tamén é un deporte sobre o que leo moito, escoito programas deportivos na radio e ademáis o meu fillo xoga ao fútbol tamén. Gústame tamén gardar fotos históricas e conservalas, (algunha delas está tamén na sección do blog), ves moita xente que desapareceu, cambios de indumentaria e nas cores do equipo, coñeces outros campos que existiron en Mondoñedo como “Lodeiros”, “Fonte do Sapo”, “Caneiro” ou o “Campo da Feira” e dende fai 40 anos o actual Viñas da Veiga.

-Xa que falamos de fútbol, ¿Anímasme cun resultado para a final da Eurocopa?

Por suposto, e ademáis dígoche o goleador. España 1-0 Italia, con gol de Sergio Ramos.

-De cara ao futuro máis próximo ¿Qué nos estás a preparar?

Ahora mesmo estou a investigar con outro compañeiro, Juan Fernández Pacios de Foz, bo amigo, sobre o edificio onde actualmente se asenta o Centro de Interpretación do Camiño Norte, aquí en Mondoñedo, antiga casa dos “Santomé” e cuartel da Garda Civil; levamos xa dous meses sobre este tema, faltannos os últimos flecos e presentaremos a historia deste edificio. Ademáis traballo tamén acerca da historia da familia “Villamil y Castro” e tamén outro traballo sobre os irmáns de Leiras Pulpeiro.

-Para rematar, Andrés, primeiro darche as gracias por prestarte a colaborar con este blog, e cedernos uns valiosos minutos do teu tempo. Falando de “Cultura e Ocio, ¿Dasnos unha apreciación final do blog?

Bueno pois coñezo “Cultura e Ocio”, porque o seu propietario me indicou da súa existencia; xa estiven revisándoa, está empezando, pero eu deséxolle que se anime, que traballe como traballou cando ambos colaboramos no xornal de Mondoñedo. Asique, iso,  a traballar o máximo e indo pouco a pouco.

-De novo gracias Andrés.

©Marcos Candia


Noraboa. Amencer xa ten 3 décadas

A revista “Amencer” editada polo seminario mindoniense, ven de cumprir 30 anos de vida, presentando con tal motivo o seu núm. 217 (do que se achega a portada), un núm con duas partes ben diferenciadas; a primeira que pretender ser un núm normal cos contidos de sempre, ainda que marcados polas “Letras Galegas” e unha segunda parte na que si podemos atopar este especial 30 anos.

Dende “Cultura e Ocio” recomendamos a lectura deste novo núm que esta cheo de interesantes contidos nas suas 72 páxinas.podedes atopalo aquí.

©Marcos Candia


30 anos de vida, revista “Amencer”

Coincidindo co comezo deste 2.012, o Real Seminario Conciliar Sta. Catalina de Mondoñedo e a Asoc. De Amigos “Amencer”, editaron o núm. 215 da súa revista, “Amencer” que este ano, a finais deste mesmo mes cumpre a súa terceira década de vida, fai xa 30 anos que saiu o seu núm. 0.

 Dende este blog, non queríamos deixar pasar a oportunidad de felicitar a todos os que traballan, traballaran, ou traballaron algún día na redacción desta revista, que demostra que con moi pouco se pode facer moito.

Como xa nos prometen dende a introducción a este núm. 215, nos derradeiros días deste mes de abril tentarán sacar a luz un número especial, conmemorativo deste evento, no que pretenden contar coa colaboración de varios inteluctuais galegos que reciben a revista.

Agardamos pois con impaciencia xa, este vindeiro número de “Amencer” que de seguro será moi especial, como xa nos adiantan.

A modo informativo comentarvos que podedes consultar os últimos números da revista, (incluído o actual, núm. 215 xaneiro – febreiro) na web da diócese Mindoniense-Ferrolá.

©Marcos Candia


Estudos Mindonienses

O “Centro de Estudos da Diócese de Mondoñedo – Ferrol” leva xa 27 tomos dos seus coñecidos “Estudos Mindonienses”, un voluméns de carácter anual que comezaron sendo un proxecto ala polo ano 1.985 e que este ano 2.012 chegan a súa 27ª edición, dirixidos por D. Segundo Leonardo Pérez López (Universidade Pontífica de Salamanca e Instituto Teolóxico de Compostela), presentan así o anuario correspondente ao ano 2.011, e do que aquí vos falamos.


Neste novo número podemos atopar varios traballos:

D. Manuel Sánchez Monge, actual obispo da diócese fainos a presentación deste tomo.

D.J. L. López Sangil-M. Vidán Torreira, traenos a transcipción completa de “El tumbo viejo de Lugo”.

D.Enrique Cal Pardo fálanos do “Episcopologio Mindoniense. Obispos de la segunda parte del siglo XX”.

D. A. Barón Faraldo preséntanos “Magnates  y nobiles en la curia del Conde Raimundo de Borgoña. Totius Gallecie Princeps (ca. 1091-1107).

D. J.J. Burgoa Fernández falanos sobre as “Crónicas medievais de Fernando Lopes e Jean Froissart, no Ferrol do século XIV

D. X.C. Ríos-M. Vigo, coméntanos sobre a “Toponimia e microtoponimia da área de Ponteceso e Laxe. Aportacións sobre nomes de lugar de orixe cultura nomástica: o Mosteiro de Almerezo”.

D. J.M. Rodríguez Díaz fálanos do “Monasterio de Esperautano y su coto”.

D. M. Sánchez Yáñez, dinos sobre “O principio da construcción da Igrexa de S. Xulián de Ferrol”.

D. S.L. Pérez López, “Encende un facho no mundo da cultura”.

D. J.L. López Sángil, fálanos sobre “Algúns libros publicados en Galicia”.

D. S.L. Pérez López, deixanos unha nota biográfica.

E por último as habituaís recensións de cada tomo.

Como podedes ver o traballo e abundante, e con moitas frontes de estudo.

Se queredes coñecer máis sobre estes traballos podedes consultar aquí a web da Diócese de Mondoñedo-Ferrol, que contén unha sección na que fala sobre estes estudos, ou contactar con eles no seguinte mail: estudiosmindonienses@mondonedoferrol.org.

©Marcos Candia