Arquivos da etiqueta: Exposición

Álbume fotográfico: XXV Festa da Faba, Lourenzá

A XXV edición da Festa da Faba de Lourenzá chegou ao seu fin. Foron tres días de eventos que trouxeron ata Lourenzá a varios centos de visitantes.

Cultura e Ocio, ofrécevos un álbume, resumo, deste evento, que recolle un total de 41 imaxes, que van dende os fabeiros na praza, ata os postos do Mosteiro, os coches e motos clásicos, e outros imaxes destes días de festa.

Para poder velas so tedes que facer click na imaxe que vai a continuación destas liñas.


Marcos Candia – Cultura e Ocio © 2.015

Díaz Castro volta a Mondoñedo

Evidentemente o título desta nova, non debe tomarse literal, Díaz Castro volta a que foi a súa casa, non en persoa, lóxicamente, pero sí a traveso dunha exposición que na súa rotación pola terra Galega, chega a nosa cidade, concretamente ao Seminario que acolleu na súa época de estudante a Díaz Castro, homenaxeado este ano coas Letras Galegas, e que agora, dende o próximo luns 4, e ata o final do vindeiro mes de agosto estará, como deciamos no Seminario, concretamente na aula Losada Quiroga.

fc5e6d6a1616edc435c25774e178ea2aPara a inauguración, do próximo luns as as 12:00 h, contaremos coa presenza do Secretario Xeral de Cultura (Anxo Lorenzo), o Secretario Xeral de Política Lingüística (Valentín García), o Alcalde mindoniense (Orlando González), o ex-Reitor do Seminario (Félix Villares), o actual Reitor (José Bello) e tamen os tres comisarios da exposición (Luís González Tosar, Alfonso Blanco Torrado e o mindoniense Armando Requeixo).

A orde de intervención no acto será a seguinte:

As 12:00 h: benvida e presentación a cargo do Secretario Xeral de Cultura.

As 12:01 h: Intervencións dos tres comisarios da mostra.

As 12:10 h: Intervención do Secretario Xeral de Política Lingüística.

As 12:13 h: Intervención do Alcalde de Mondoñedo.

As 12:16 h: Visita guiada pola exposición, dirixida polos comisarios.

E as 12:35 h: darase por finalizado o acto de inauguración desta mostra.

Podedes atopar máis info sobre a exposición na web da Consellería de Educación, e tamén no blogue de Armando Requeixo.

Marcos Candia – Cultura e Ocio © 2.014

Mondoñedo remata o ano con cine e fotografía

Dende a Asociación Cultural o Pasatempo, fannos chegar unha nova nota de prensa, con novidades na exposición fotográfica sobre o fútbol en Mondoñedo e as últimas citas de curtas deste nadal. Reproducimos a continuación a nota íntegra:

A Asociación Cultural O Pasatempo de Mondoñedo prepara curtametraxes e fotografías para rematar o ano. Esta fin de semana, sábado e domingo haberá proxeccións na Casa da Cultura e o Auditorio Municipal e poderase visitar de novo a exposición sobre a historia do fútbol mindoniense en imaxes. 

Por unha banda, terá lugar a segunda sesión da “I Xornada de Curtametraxes O Pasatempo” que se desenvolverá o domingo 30 de decembro no Salón de Actos da Casa da Cultura de Mondoñedo a partir das 8 da tarde, con entrada de balde. Nesta xornada proxectaranse cinco curtametraxes de entre 5 e 20 minutos sobre diferentes temáticas, documentais e ficción: “Lugnasad. Unha noite máxica”, que fala da festa celta que cada ano se celebra en Bretoña (A Pastoriza); “Pantin Classic” mostra impresionantes imaxes dos surfeiros que cabalgan as olas da costa ferrolá; “Houston”, na que amizade, amor e  enfermidade, son os ingredientes necesarios da historia; “Sin Plomo”, fala de cinco personaxes que se ven envoltos nunha situación extrema tras o atraco a unha e finalmente “X nada”, o macabro xogo dun grupo de rapaces. 

Dentro desta “I Xornada de Curtametraxes O Pasatempo” o sábado 29 de decembro producirase a gran estrea en Mondoñedo da curtametraxe “Mr Smith & Mrs Wesson”, dirixida por Alejandro Saavedra. A historia está protagonizada polos actores Octavi Pujades e Camila Bossa e conta ademais coa aparición doutras caras moi coñecidas do mundo audiovisual galego como Luis Iglesia ou María Mera. Acción e intriga garantizadas neste filme se poderá ver por primeira vez na comarca no Audiotorio de Mondoñedo ás 20:30, esta previsto que á estrea acuda algún dos actores. As entradas terán un prezo de 2 euros e poderán adquirirse ese mesmo día no auditorio ou anticipadamente nos bares ‘O Porriño’ e ‘O Rincón’ de Mondoñedo.

Por outra banda, O Pasatempo continúa botando a vista atrás no tempo para recoller a historia do fútbol en Mondoñedo a través de imaxes. A exposición “A Historia do Fútbol en Mondoñedo” poderase visitar na Casa da Cultura durante os días 29, 30 e 31 en horario de 11 a 13 horas pola mañá e de 16 a 19 horas pola tarde. Tamén se poderá visitar a vindeira fin de semana, 5 e 6 de xaneiro no mesmo horario. Como novidade, este domingo día 30 proxectarase ás 5 da tarde no mesmo local da exposición, na Casa da Cultura, un encontro celebrado no campo das Viñas da Veiga (Mondoñedo) o 1 de maio de 1991 que enfrontaba á Mindoniense co Xove-Lago. Tratábase da penúltima xornada de liga da Rexional Preferente e os dous equipos mariñanos xogábanse manter a posibilidade de ascenso á Terceira División. 

Ademais, na exposición hai quince novas fotografías que ó longo desta semana foron cedidas polos visitantes dos seus arquivos privados e que xa se engadiron á mostra polo que máis dun cento de imaxes retratan a paixón polo fútbol na cidade mindoniense, dende os anos vinte ata a actualidade. No primeiro momento recórdanse as formacións esporádicas dun equipo que participaba en festas e torneos e que chegou a converterse no clube de fútbol estable da actualidade, con categorías inferiores e participación na liga regular. Esta exposición pódese ver tamén de balde e permite facer un recorrido histórico por rostros coñecidos e recordos compartidos por todos, non só en Mondoñedo, senón no resto da Mariña. 

Convidámolos a todos a achegarse e compartir co Pasatempo as derradeiras actividades organizadas para despedir esta ano 2012.

Dende esta casa, “Cultura e Ocio”, queremos dar as grazas a Asociación Cultural o Pasatempo, por contar connosco para difundir todas e cada unha das súas actividades.

©Marcos Candia

As proxeccións de curtas, un éxito

A Asoc. Cultural O Pasatempo, remítenos unha nota de prensa e un par de fotos da I Xornada de Curtas que está a ter lugar neste Nadal. A continuación reproducimos a nota de prensa:

“O domingo celebrouse a primeira das sesións dentro da “I Xornada de Curtametraxes O Pasatempo” con moita afluencia de público. Recordamos que o vindeiro domingo 30, ás 8 da tarde se celebrará a segunda xornada coa proxección de cinco novas curtas elaboradas por creadores galegos. O sábado 29, ás 20:30, no Auditorio Municipal de Mondoñedo producirase a estrea de “Mr Smith&Mrs Wesson”, dirixida por Alejandro Saavedra.

Asimesmo, durante esta fin de semana estivo aberta ó público a exposición “A historia do fútbol en Mondoñedo” que deixou encantados e cheos de recordos a todos os que por alí pasaron. A exposición poderase visitar de novo os días 29,30 e 31 en horario de 11 a 13 pola mañá e de 16 a 19 pola tarde, na Casa da Cultura de Mondoñedo.”

Podedes ver as fotos en grande se clicades sobre elas.

©Marcos Candia

A Asoc. Cultural o Pasatempo ameniza o nadal

O Nadal en Mondoñedo preséntase cheo de actividadades ofrecidas pola Asoc. Cultural o Pasatempo.

Por un lado as I Xornadas de Curtametraxes e por outro unha exposición fotográfica que repasará a historia do fútbol na cidade episcopal. Das xornadas de cine xa vos falamos nesta entrada, pero agora ampliamos toda a información, coa sinopsis das curtas que se proxectarán, co cartel do evento e tamén con toda a información da exposición futbolística da Casa da Cultura. No seguinte documento en PDF que ademáis podedes descargar para o voso use e desfrute, tendes toda a info dos eventos. Axuntamos tamén os carteis respectivos que podedes ver a maior tamaño se facedes click neles.

Actividades de nadal Asoc. Cultural o Pasatempo. Mondoñedo

©Marcos Candia